Misra.az portalında keçirilən sorğular

Test №1

Sual: 15 beytdən 600 beytə qədər olan, hər beytin sonunda təkrarlanan, bütün mənzumənin sonuna qədər vəznin dəyişilməsinə yol verilmədən yazılan, ərəb dilində “yönəltmək” mənasını verən janr necə adlanır?

Testə 31 nəfər cavab vermişdi. Onlardan 3 nəfəri cavabı bilmədiyini bildirdi.
17 nəfər səhv cavab verdi. Onlardan 10 nəfər Qəzəl, 4 nəfər Rübai, 1 nəfər Tərkibbənd və 2 nəfər "heç biri" cavabını seçdi.
Yalnız 11 nəfər düzgün cavab olan - Qəsidə variantını seçdi.
Əlbətdə ayrılıqda məhz "Qəsidə" cavabını verənlərin sayı ən çox oldu, bu da sevindirici haldır. Lakin ümumilikdə səhv cavab verənlərin sayı üstünlük təşkil eylədi.
Yəgin ki, çoxlarımız üçün öyrənilməli hələ çox şeylər var...

Düzgün cavab - Qəsidə

Test №2

Sual: Hansı Şuşalı şair çar Rusiyasının əmri ilə Şuşadan Bakı şəhərinə sürgün olunmuşdur?

Vaxt var idi Azərbaycanın Rayonlarından kimisə Bakıya göndərmək sürgün adlanırdı. Təəssüf ki, bu gün çoxları əksinə Bakıda yaşanağa üstünlük verirlər.

Qarabağda məşhur olan Cavanşirlər nəslindən olan Qasım bəy Zakir çar Rus ordusu sıralarında Rusiya-İran müharibələrində iştirak etməsinə və döyüşlərdə fərqlənib medalla təltif edilməsinə baxmayaraq sonradan günahsız yerə Bakıya sürgün olunmuşdu.
Zakir bəy öz dövrünün ictimai bəlalarını açıb göstərən əsərləri ilə Azərbaycan ədəbiyyatında satirik üslubun əsasını qoyan qüdrətli bir sənətkar kimi məşhurlaşmışdır.O, şeirlərini həm əruz vəznində – qəzəl, müxəmməs, tərkibbənd, tərcibənd, müstəzad, müəşşər janrlarında, həm də heca vəznində – qoşma, gəraylı, təcnis, bayatı formalarında yazmışdır.

Sorğuda 126 nəfər iştirak etdi. Onlardan Molla Pənah Vaqif - 40 nəfər (31.75%), Nəcəf bəy Vəzirov - 14 nəfər (11.11%), Qasım bəy Zakir - 53 nəfər (42.06%), Süleyman Sani Axundov -11 nəfər (8.73%) və Xurşidbanu Natəvan - 8 nəfər (6.35%) cavabını seçdi.
Beləliklə cavab verənlərin əksəriyyəti düzgün cavabı seçmişdi.

Sorğuda iştirak edənlərə minnətdarlığımızı bildiririk!

Düzgün cavab - Qasım bəy Zakir

« May 2012 »