TƏCNİZ

Müəllif: Aygun Rehimli | 8 Yanvar 2012 | Oxunub: 161| Yadda saxlamaq:

Haqq yolunda, haqqa haqq de, düzə düz.
Dərdlərini, arana düz, düzə düz.
Əyriyə, əyri düz gələr, düzə düz,
Tanrım təkdir, özgə rəbbi danaram.

Mən nökərəm, hər ixtiyar ağada.
Dərdlərimə, bəy də ağlar, ağa da.
Bəxtim qara, məskənimsə ağ ada,
Dörd tərəfim, su olsa da, yanaram.

Kimi yasa gedər, kimi nişana.
Qorxuram, qalmaya məndən nişana.
Bəxtim elə gəlibdir ki, nişana.
Acım bitməz, yara kimi qanaram.

Göyə baxdım, yarı zülmət, yarı dan.
Göyərtmədi, yarıtmadı yarıdan.
Çox gumanki, ömrüm keçib yarıdan,
Hər nə çəksəm, tanrıdandı sanaram.

Hər sabahın, yolu keçir gecədən.
Xudadı, güc edən, fəqət gec edən.
Tezə yoldaş cavanlıqdı, gecə dən,
Bu yaşımda, dənimdən utanaram.

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: “NURANƏ QIZIM”
» Növbəti əsər: Külli nəticə görmüşəm.

Əsəri oxuyanlar (61)

Oxşar misralar:

Yazdı: Adil Turan:

8 Yanvar 2012 13:49

Yaşayır: Bakı
Əsərlərin sayı: 0
Resenziyalar: 28
Status: Yeni şair

Adil Türkoğlu:Əla şeirdir......Əcəb nə vaxtdan yazırsız?

Yazdı: sefer:

8 Yanvar 2012 14:01

Yaşayır: Baki
Əsərlərin sayı: 168
Resenziyalar: 1072
Status: Şair

BU YAZI DEYİL...TALEYİN QƏMLİ NƏGMƏSİDİ..
GÖZƏL QƏLƏMƏ ALINIB

ALLAH AMANINDA!

Yazdı: Aygun Rehimli:

8 Yanvar 2012 14:02

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

SALAM VALLAH ÖZÜMÜ TANIYANDAN YAZIRAM, ÇOX HEYİF Kİ, UTANDIĞIMDAN CIRIB ATIRDIM.........
SON 10 İLDİR ATMIRAM.....RƏYİNİZƏ GÖRƏ SAĞ OLUN.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: Dervis:

8 Yanvar 2012 18:11

Yaşayır: --
Əsərlərin sayı: 7
Resenziyalar: 24
Status: Şair

Gözəl və mənalı şeirdir. Sağolun belə şeiri paylaşdığınız üçün. Şeirləri cırıb atmaq lazım deyil. Hansı yaxşıdı dərc eləyin. Maraqlı şeirdi. smile

--------------------

Məni candan usandırdı, cəfadan yar usanmazmı?
Fələklər yandı ahimdan, muradım şami yanmazmı?

Yazdı: Adil Turan:

8 Yanvar 2012 22:25

Yaşayır: Bakı
Əsərlərin sayı: 0
Resenziyalar: 28
Status: Yeni şair

Heyif o atdığın şeirlərə...Birdə maraqlıdır ki, kitab çıxarmaq fikrin varmı?

Yazdı: Aygun Rehimli:

8 Yanvar 2012 22:33

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

SALAM, HÖRMƏTLİ, ADİL TURAN, ÖNCƏ SİZİNLƏ İLK SÖHBƏT OLDUĞU ÜÇÜN
RƏYİNİZƏ VƏ MÜNASİBƏTİNİZƏ GÖRƏ ÖZ TƏŞƏKKÜRÜMÜ BİLDİRİRƏM.MƏNİM ARTIQ 3 KİTABIM ÇIXIB,4 Cü DEYƏSƏN PORTALDA YAZILACAQ.SİZƏ DƏ, UĞURLAR........

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: Axundi:

8 Yanvar 2012 22:40

Yaşayır: Bakı
Əsərlərin sayı: 107
Resenziyalar: 607
Status: Şair

Tezə yoldaş cavanlıqdı, gecə dən,
Bu yaşımda, dənimdən utanaram (!!!)

Məncə təcnis qoşmanın ən çətin növüdür, oxucunu fikirdən agah etmək üçün xüsusi qabiliyyət tələb edir, qeyd etdiyim hissədə bu bacarıq özünü əks etdirib, əhsən!

Yazdı: Aygun Rehimli:

8 Yanvar 2012 23:00

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

TƏCNİSİ YAZMAQ KİMİ ANLAMAQ DA, ÇƏTİNDİ.SÖZ DUYANA,SÖZ QANANA EŞQ OLSUN.

Sözdü, yox yerdən var olan,
Sözdü, tənhaya yar olan,
Hərdən donduran,qar olan,
Hərdən də yandırandı söz.

İnsandı sözü dinləyən,
Sözdü,kaman tək inləyən,
Birdən baş uca eyləyən,
Birdən utandırandı söz.

Sözdü dərdlilər hayanı,
Min yaşasın,söz duyanı.
Alim eyləyər qananı,
Qanmazı, qandırandı söz.

Sözdü, danışan hünərdən,
Odur tək qiymətli zərdən.
Hərdən, yaşa deyər, hərdən,
Candan usandırandı söz.

Heyif, qədri bilinməyən,
Tək hecadı,bölünməyən,
Yaddaşlardan silinməyən,
Keçmişi andırandı söz.

Eynidir,şirin söz,sığal,
Həsrətdi, desin onu lal.
Gah ana südü tək halal,
Gah da günah,haramdı söz.

Rəhimliyə söz muraddır,
Çox deyilərsə,ifratdır,
Həm İncil, Zəbur, Tövratdır,
Həm müqəddəs, Qur`andır söz.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: bayrami:

9 Yanvar 2012 03:19

Yaşayır: --
Əsərlərin sayı: 155
Resenziyalar: 1548
Status: Şair

Aygün təpədən dırnağa həqiqi şairdir. Onun hər mətləbdə, hər məsələdə deməyə sözü var.( Rəy yazarkən şeirlə cavab verməsi buna dəlildir)
Bu təcnis göstərir ki, Şair xalq dilinin incəliklərinə baş vura bilir, söz oyunundan məharətlə istifadə edir. Yeni deyimlər, obrazlı ifadələr deməyə çalışır. Axundinin də qeyd etdiyi son bənd əsl poetika nümunəsidir:
Lirik Mən cavan olsa da, saçlarına dən düşüb. Bu hala poeziyada istiarə deyirlər.
Alqış bu sətirlərin müəllifinə:
TƏZƏ YOLDAŞ CAVANLIQDIR, GECƏ DƏN,
BU YAŞIMDA DƏNİMDƏN UTANIRAM.
P.S. (Bu beytin başqa çizli sətiraltı mənaları da var, açması qalsın sonraya)

Yazdı: QABIL EDALET:

10 Yanvar 2012 00:17

Yaşayır: .........................
Əsərlərin sayı: 78
Resenziyalar: 666
Status: Şair

Əziz Aygün xanım siz bu təriflərə həqiqətən laiqsiniz.

--------------------

Qabil Ədalet

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »