İstər

Müəllif: Meherrem AGALAROGLU | 16 Oktyabr 2010 | Oxunub: 288| Yadda saxlamaq:

Həyat şölə saçır fani olsa da,
Bu fani dünyada gözlər dolsa da,
İnsan ayrılıqdan cana doysa da
Yenə də sevgidə yer almaq istər.

İstər ki, yer alsın bu eşq yolunda,
İstər ki, uyusun yarı qolunda,
Sevgisi yolunda olsa oyun da
Yenə də sevgidə yer almaq istər.

Nə qədər fırlatsa tərs çarxı fələk,
Sevdiyi gözəli olmasa mələk,
Bil, ona olsa da sevgidə kələk
Yenə də sevgidə yer almaq istər.

Aşiqin olsa da fələyi dahi,
Çıxsa da göylərə əfqanı, ahi,
Sevdiyi şəxs olsa cəlladlar şahı
Yenə də sevgidə yer almaq istər.

Ömürlük getsə də sevgisi hədər,
İnsanı ağlatsa dünyalar qədər,
Sevgisi yolunda boğsa da kədər
Yenə də sevgidə yer almaq istər.

Məhərrəm AĞALAROĞLU

Çap etmək

Əziz qonaq, lütfən qeydiyyatdan keçin.

(səs sayı: 7)

« Əvvəlki əsər: Gəlmə sevgilim
» Növbəti əsər: Naxçıvanım

Əsəri oxuyanlar (84)

Oxşar misralar:

Yazdı: sekineilyasqizi:

18 Oktyabr 2010 09:19

Yaşayır: bakı
Əsərlərin sayı: 72
Resenziyalar: 1183
Status: Şair

Səmimi duyğularla yazılıb,amma publisistik şərhlər,təkrarçılıq daha üstünlük təşkil
edir bu şeirdə.YENƏ DƏ SEVGİDƏ YER ALMAQ İSTƏR-zəif misradı,deyimdi.

Yazdı: Necmeddin:

18 Oktyabr 2010 14:32

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Sevgi məfhumdur,insan canlı varlıq.Sevgi insanın varlığında tcəssüm edəcən bir məfhum olduğu üçün insan sevgidə yer ala bilməz.Bu fikir ümumilikdə yanlışdır.Ümumi baxdıqda isə yenə həmqafiyəlik pozulub.məna digər yazdıqlarına nəzərən daha zəifdir.məncə bunları yenidən işləsən daha yaxşı olar

--------------------

Şeir - Allahın şairin qulağına pıçıldadığı sözlərdi.

Yazdı: bayrami:

2 Noyabr 2010 18:07

Yaşayır: --
Əsərlərin sayı: 155
Resenziyalar: 1548
Status: Şair

1) İSTƏR Kİ, UYUSUN YARI QOLUNDA-- yarı? Yəni yarısı? Yox, Yarının qolunda! Demək, "yarın qolunda" yazmaq lazımdı.

2) BİL,ONA OLSA DA SEVGİDƏ KƏLƏK-- belə nahamvar sətirlər çoxdur bu şeirdə.

3)AŞİQİN OLSA DA FƏLƏYİ DAHİ (?)-- "Fələyi dahi olmaq"? Hmm.. Səncə, fələk nəmənədir, ya kimsənədir, dahisi, səfehi olsun?

4)SEVGİSİ YOLUNDA BOĞSA DA KƏDƏR-- Belə olmalıdır: Boğsa onu sevgi yolunda kədər! Onda fikir aydın ifadə edilər.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »