Daşdama(cığalı təcnis)

Müəllif: sekineilyasqizi | 3 Sentyabr 2010 | Oxunub: 274| Yadda saxlamaq:

Arzum budur xisləti bəd olanın
Su yerinə tavanından daş dama.
Mən aşiqəm,daş dama,
Bəzək verər daş dama,
Öz dərdi də kar etməz
Ürəyi daş adama.
Qoçaq oğul küməni saray eylər,
Tənbəl yatar,qoymaz bircə daş dama.

Qeyrətdən dəm vura,söz deyə ərlər,
Sevda qursan,pisə demə,əyərlər.
Əzizinəm,əyərlər,
Comərd olar ay ərlər,
Namərd tutub meydanı,-
Hardadı,aya,ərlər.
Dədələrdən məsəl qalıb,deyərlər;
Tanrıdandı,bir daş dəysə adama.

Nadan olma,haram,halal,qan nanı,
Dar məqamda bil ki doğma qan anı.
Əzizinəm,qananı,
Sevməz qanmaz qananı,
Qılınc qınında durmaz
Çatsa qisas,qan anı.
Günahından əzab çəkib qananı
Töhmətləyib yalamayla daşdama.

Çap etmək

Əziz qonaq, lütfən qeydiyyatdan keçin.

(səs sayı: 4)

« Əvvəlki əsər: Demə
» Növbəti əsər: Keçdi

Əsəri oxuyanlar (73)

Oxşar misralar:

Olar

Yaradı(cığalı təcnis)

Yazdı: bayrami:

3 Sentyabr 2010 15:42

Yaşayır: --
Əsərlərin sayı: 152
Resenziyalar: 1474
Status: Şair

Sənətkarlıqla söylənmiş-yazılmış şeirdir.Cinasların əksərində qulaq qafiyələrə əsaslanması təbiidir. Çünki bu aşıq şeri janrındadır,şifahi ədəbi dilə söykənir. Hətta şivə sözlərinin işlənməsi də qəbahət sayılmır. amma müəyyən məqamlarda.
"Daşdama"nın cinasları yaxşı düzülüb qoşulub, irad tutmaq əbəs olardı. Fəqət "ÜRƏYİ DAŞ ADAMA", ""TANRIDANDI, BİR DAŞ DƏYSƏ ADAMA" sətirlərindəki cinaslar bir qədər zəifdir.
P.S.
"Qoçaq oğul KÜMƏNİ saray eylər" Bilirəm ki, bu söz Azərbaycan dilində işlənmir, heş türk sözü də deyil. Əvəzində - tövlə, koma, mal damı,kişik torpaq ev" ifadələri işlənir. "KÜMƏ" qədim Azərbaycan etnosların birinin sözüdür. Bu kəlmə əslinizin-nəslininzin haradan-haraya köçməyindən xəbər vermirmi?

Yazdı: sekineilyasqizi:

3 Sentyabr 2010 18:32

Yaşayır: bakı
Əsərlərin sayı: 70
Resenziyalar: 1178
Status: Şair

Təşəkkür edirəm,Bayrami bəy,iradlarınız haqlıdı.Bilirsiniz ki,təcnis yazmaq,özü də cığa-
lı,elə də asan deyil.Şivə sözlərini bilərəkdən işlətmişəm,bu sözlər Borçalıda işlənir.Ora-
da yaşayan Azərilərin çoxusunun ulu babası Türkiyədən gəlib məskunlaşan türk olub-Qarapapaq türkü.Baxıram,mənim ellilərim,elə özüm də nə qədər türk sözü işlədirik,ha-mısı lüğətdə var.Kümə,yəni koma,bizlərdə belə deyilir.Azərbaycanca-Türkcə adlı lüğətdən tapa bilərsiniz bu sözü.

Yazdı: Necmeddin:

19 Oktyabr 2010 12:57

Yaşayır: --
Əsərlərin sayı: 50
Resenziyalar: 2248
Status: İlin şairi - 2011

Arzum budur xisləti bəd olanın
Su yerinə tavanından daş dama.

Sizdə bu xalq deyimləri əla alınır

--------------------

Şeir - Allahın şairin qulağına pıçıldadığı sözlərdi.

Yazdı: sekineilyasqizi:

1 Noyabr 2010 18:04

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun,rəyinizə görə,Nəcməddin bəy.Bəlkə,xalqıma,kökümə dərin bağlılığımdandı(tə-vazökarlıqdan qırağa çıxdım).

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Fevral 2012 »