Yaz ay az(dodaqdəyməz)

Müəllif: sekineilyasqizi | 29 Avqust 2010 | Oxunub: 406| Yadda saxlamaq:

Yalanı,gerçəyi seyrə dalanda
Şair xəyalında qaldı yazayaz.
Dahilər yetirən əziz sənətdi,
Naşılar əlində qaldı yazayaz.

Hər kəsə qazılar əcəl çalası,
Deyilsən həyatı satın alası,
Getsən,neçə sətir yazın qalası,
İstər qışdan denən,istər yaza yaz.

İndi sınaqların çətin,darıdı,
Yaxşı dərdə qaldı,yaman yarıdı.
Səkinə,taleyi yazan Tanrıdı,-
Gileyin gizlində saxla,yaz ay az.

Çap etmək

Əziz qonaq, lütfən qeydiyyatdan keçin.

(səs sayı: 4)

« Əvvəlki əsər: TOYUQDU BU
» Növbəti əsər: Bayatılar

Əsəri oxuyanlar (105)

Oxşar misralar:

QARABAĞDA NƏYİM QALDI?

Yazdı: bayrami:

31 Avqust 2010 13:36

Yaşayır: --
Əsərlərin sayı: 152
Resenziyalar: 1474
Status: Şair

1) I bənddə 2 yerdə "yazayaz" eyni məna daşıyır. Deməli. cinas alınmayıb, hətta xətaya yol verilib.
"Gileyin gizlində saxla, yaz ay az" ( Son kəlmə anlaşılmır, bəlkə belədir: yaz a, az ( yəni yaz ha, amma az-az)
2) İynə batdı dodağına,
Düşdün elin qınağına!..
"Dodaqdəyməz" yarışına çıxan Aşığın dodaqları arasına iynə düzərmişlər, m, p, b, v,f.. hərfli sözlər işlətsə, iynələr dodaqlarına yeriyər, Aşıq rusvay olarmış!
Aşıq xanım, misrana diqqət elə:
YAXŞI DƏRDƏ QALDı, YAMAN YARIDI...
"Yaman, yaman". Aman, aman!

Yazdı: sekineilyasqizi:

2 Sentyabr 2010 21:03

Yaşayır: bakı
Əsərlərin sayı: 70
Resenziyalar: 1178
Status: Şair

Çox sağ olun,Bayrami bəy.İradlarınız haqlıdı.Bu şerləri çoxdan yazmışam və ilk kita-
bımda dərc olunub.Mən aşıq yaradılığını da çox bəyənirəm.Əslim Gürcüstandan olduğu
üçün bəlkə.Gözümü açandan rəhmətlik müəllim atamın saz,tar çaldığını görmü-şəm.Ruhuma hopmuş hər ikisinin ecazkar səsi.Əsasən modern şerlər yazıram,aşıq yaradıcılığının şəkillərində az yazmışam.Qaldı iradlarınıza:
1)birinci: qaldı yazayaz,yəni,fikir qalmaqalıdı;ikinci:qaldı yazayaz,yəni oldu,
qaldı mənasında.Burada başqa söz tapmaq heç cür mümkün olmadı.Məcburən belə yazdım.
2)burada mexaniki səhvə yol vermişəm:yaman yox,nadan yazmalıydım.İstəsə-niz,sizə sübut da edə bilərəm.Kitabdan səhv köçürmüşəm,hər kəs məni bağışlasın.
Mən bu şeirləri neçə məşhur aşığa oxutmuşam çapdan əvvəl ,bu iradları deməyiblər,əlbəttə,lazımdı.

Yazdı: Necmeddin:

19 Oktyabr 2010 13:00

Yaşayır: --
Əsərlərin sayı: 50
Resenziyalar: 2248
Status: İlin şairi - 2011

Getsən,neçə sətir yazın qalası,
İstər qışdan denən,istər yaza yaz.

Bu yaxşıdır.Bayrami deyən yaman sözündə dodaqlar dəydiyi üçün yaramır

--------------------

Şeir - Allahın şairin qulağına pıçıldadığı sözlərdi.

Yazdı: sekineilyasqizi:

1 Noyabr 2010 18:13

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun,rəyinizə görə,Nəcməddin bəy.Dediyim kimi,YAMAN-ı səhv yazmışam,NADAN
olmalıdı.

Yazdı: Meherrem AGALAROGLU:

19 Noyabr 2010 20:56

Yaşayır: Bakı
Əsərlərin sayı: 56
Resenziyalar: 417
Status: Şair

sekineilyasqizi,
Mən də ustadların dedikləri ilə razıyam. Bununla belə sənə içib-batmaqda olan bir janrda yazdığın görə təşəkkürümü bildirirəm. Eyni zamanda bir iradımıda bildirəcəm.

bu misranı

İstər qışdan denən,istər yaza yaz.

İSTƏR QIŞA QIŞ DE, İSTƏR YAZA YAZ

olsa daha yaxşı olar.

--------------------

Mənim üçün SÖZ mənadır, MƏNA həyatdır, HƏYAT sevgidir, SEVGİ isə həyat kimi mənasızdır!!!

Yazdı: sekineilyasqizi:

20 Noyabr 2010 15:35

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun şərhinizə görə,Məhərrəm bəy.İradınızı müsbət qarşılayıram.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Fevral 2012 »