BƏDƏL

Müəllif: Saxavat | 30 Noyabr 2011 | Oxunub: 138| Yadda saxlamaq:

Baxma azğınlığına çox ''nəcib'' insandı Bədəl,
Əqli kamil, gözü tox, tazə müsəlmandı Bədəl.

Arağın atdı daşın, nuş eləyir indi çaxır
Onu da içməsə olmaz kişi yəqin darıxır.
Bilirəm tərgidəcək bunları da əvvəl-axır
Köhnə sərxoşluğuna çünki, pəşimandı Bədəl,
Əqli kamil, ğözü tox, tazə müsəlmandı Bədəl.

Övrəti Pirnisəni hali-pərişan eləyib
Döyüb, evdən çıxarıb, çeşmini giryan eləyib.
Bir neçə kəndi yenə ''cənnəti-rizvan'' eləyib,
Cəm edir ''huriləri'' huriyə heyrandı Bədəl,
Əqli kamil, gözü tox, tazə müsəlmandı Bədəl.

Oğru, əyyaş, dələduz indi girib ayrı dona
Dost olub mollalar ilə, qoşulub rövzəxana.
Amma təzim eləmir bir para bədxahlar ona,
Məncə şəkk-şübhə nə lazım, əhli-imandı Bədəl
Əqli kamil, gözü tox, tazə müsəlmandı Bədəl.

Neçə aydır ki, onun yoxdur evindən xəbəri,
Bilməyir xəstələnib ac-yalavac körpələri,
Guya dəvrişlik edir, kimsə görübdür ötəri
Gündə bir kəndi gəzir kəndliyə mehmandı Bədəl,
Əqli kamil, gözü tox, tazə müsəlmandı Bədəl.

Çap etmək

Əziz qonaq, lütfən qeydiyyatdan keçin.

(səs sayı: 1)

« Əvvəlki əsər: "Bir nəfər"in doğum gününə...
» Növbəti əsər: YOLUN TALEYI, YOXSA TALEYIMIN YOLU?

Əsəri oxuyanlar (69)

Oxşar misralar:

Can verir köhnə Səfər, tazə bir insan yetişir.

Yazdı: bayrami:

1 Dekabr 2011 02:07

Yaşayır: --
Əsərlərin sayı: 155
Resenziyalar: 1548
Status: Şair

Allah çatsın dadımıza.
İmam savab versin hamımıza.
Səxavət, ədəbiyyatımızda bu sərxoşları ifşa edən şeirlər və təsvir etdiyin bu tiplər bəs qədər var. Sən də birini əlavə etmisən, əcəb eləmisən. Aşın suyunu çoxaltmısan.
Maşallah, satirik üslubun, yazı maneran, şirin, duzlu-məzəli dilin könül oxşayır,
bu ay məhərrəm- müsibət ayıdır. Xahiş edərdim dini mövzuda şeirlərini portalda dərc edib qəm-qüssəmizə şərik olasan

Yazdı: Saxavat:

1 Dekabr 2011 15:48

Yaşayır: --
Əsərlərin sayı: 289
Resenziyalar: 953
Status: Şair

Salam canımin içi! Sən həmişə mənim cizmaqaralarıma rəyni bildirəndə
ilk misralarını nəzmlə başlayıbsan, elə buna görə sənə öz minnətdarlığımı bidirirəm, ona görə ki, bu təbi sənə Rbbimiz verib. Rəbbimizin də sevib seçdiyi 124 min peyğəmbər və 12 imamdır ki, Onlar zalimin zülmünə
baş əyməyərək Allah qarşisında öz məsuiliyyətlərilə, Qurani-kərimin və səmavati kitabların hamısınin Allah tərəfindən göndərilmiş qanun və
hökmlərinə sədaqətlərini nümayiş etdirərək ən yüksək məqam sahibi
olmuşlar, lakin imam Hüseyn əleyhümüssəlam Onlardan seçilərək bütün
əshab və ailə üzvlərini böyük şövqlə Haqqin yolunda yüksək səviyyədə Zalimin zülmü qarşısında mübarizəyə sövq etməklə Allahin əmrinə ən yüksək səviyyədə sədaqət göstərib 72 şühədasıyla birgə Haqq məqaminin Ən layiqli nümayəndəsi kimi Allah dərgahina yüksələrək biz şiələrə də böyük azadlıq məktəbinin bünəvrəsini hədiyyə etmişdir. Bizsə həmin mətəbin layiqli şagirdi ola bilirikmi?
Qağa hələ Aşuraya var, çalışib bir şey fikirləşərəm hələlik bir satirik şeir də portalımıza göndərim...
-----------------
Səni bağrıma basıb öpürəm, Kərbəlayi! Imam imanıva bərəkət versin, AMIN.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »