Ay camaat, gəlib yeni zəmanə,
Şerü- sənət üz tutub biyabana,
Əruz, heca vəzni düşüb böhrana,
Dəbə minib başda gedir yan- yana:
Mərsiyə, mədhiyyə, qəzəl, meyxana.
Yasda molla yalancadan ağlayır,
Əzadarın ciyərini dağlayır,
" Hüseyn" deyib cibə pənah bağlayır.
Fərq eləmir, nə söyləsə, meydana:
Mərsiyə, mədhiyyə, qəzəl, meyxana.
Toyda, mağarda adamlar alçalır,
Gah atılır, gah bükülüb açılır...
Çırtma vurur, sinə döyür, əl çalır...
Muğam üstə hədyan deyir şadyana:
Mərsiyə, mədhiyyə, qəzəl, meyxana.
İşdə, məclisdə: hər yerdə, rəhbərə,
Qələndərə, biləndərə, bərbərə...
Gedən bəyə, gələn xana, öndərə
Nökər oğlu nökər deyir haqqına:
Mərsiyə, mədhiyyə, qəzəl, meyxana.
Dərviş olub əba geyə, deyəm : Hə !
İmam şənindən söz deyə, deyəm: Hə !
Şeytanı yox, Haqqı öyə, deyəm: Hə !
Yoxsa rəvamı bekara oxuna:
Mərsiyə, mədhiyyə, qəzəl, meyxana.
Sanki bu millət əhli -kef adammış !
Qarabağı verib şadlıq yapanmış !
Yoxsa bunun bəsarəti qapanmış ?
Həya edib söyləməyə, usana:
Mərsiyə, mədhiyyə, qəzəl, meyxana.
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (2)
