Ay haray!!!

Müəllif: Elman Mabud | 15 Aprel 2011 | Oxunub: 363| Yadda saxlamaq:

Əsəndə üstümə ilk xəzan yeli,
Onda bildim, keçən keçdi, ay haray!
Görəndə qov ha qov, yeri ha yeri,
Bildim bu nə karvan, köçdü, ay haray!

Qurmuşdum özümə xəyaldan şəhər,
Cilov gəmirirdi mindiyim kəhər.
Yatmışdım, ayılıb gördüm bir səhər,
Dünyanin axırı heçdi, ay haray!

Vaxtında bilmədim ayın qədrini,
Çaylağın qədrini, çayın qədrini.
Bilərkən mən qışda yayın qədrini,
Ayaz gülşənimi biçdi, ay haray!

Mən giley etmirəm bağbandan, bağdan,
Soruşub arandan, yol alıb dağdan
Bir əlində qılınc, birində qalxan,
Fələk məni şikar seçdi, ay haray!

Elman! Ruzigarsız keçməz fəsillər,
Nə yeni il gələr, nə də nəsillər.
Bəxtəvər o kəsdi, ölsə desinlər
“Həyatdan bir İnsan köçdü, ay haray!

Çap etmək

Əziz qonaq, lütfən qeydiyyatdan keçin.

(səs sayı: 10)

« Əvvəlki əsər: Ты испытанье горькое моё.
» Növbəti əsər: Gecənin pıçıltısı

Əsəri oxuyanlar (106)

Oxşar misralar:

Yazdı: bayrami:

16 Aprel 2011 14:39

Yaşayır: --
Əsərlərin sayı: 155
Resenziyalar: 1548
Status: Şair

Əuzu billəh( Allaha pənah!)
Çox xoşuma gəldi. Qoşma janrının tələbləri yerli-yerindədir. Diliniz cilalı, rıvan, obrazlıdır. Dilin qayda-qanunlarına doğru əməl etmisən. Yürütdüyün fikirlər aşıq ədəbiyyatından, ənəndən gəlir. Deyilmişləri şirin, sadə dildə yenidən deməyi bacarmısan. Afərin!

Yazdı: sekineilyasqizi:

17 Aprel 2011 11:16

Yaşayır: bakı
Əsərlərin sayı: 72
Resenziyalar: 1183
Status: Şair

Salam.Deyəsən,sayta yeni gəlmisiz.Şeiriniz çox axıcı,oxunaqlı,mənalıdır.Sanki Koroğ-
lusayağı nərə çəkməkdi,hayqırtıdı.Belə poetik dəyərli şeirləri oxuyanda adamın ürəyi
açılır.Misraların hər birində şair,aşıq ürəyinin çırpıntıları eşidilir.Axarlı olsun,məmnu-
niyyətlə diğər şeirlərinizi də oxumaq istərdik.

Yazdı: Necmeddin:

18 Aprel 2011 09:40

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Ya allah.Əvvəla portalımıza xoş gəlmisiniz.Uğurlu bir şeir demək olar.Ruh oxşayan misralar,poetik deyimlər var.

Ancaq
Görəndə qov ha qov, yer ha yeri, \ bir heca çatmır deyəsən YERİ sözündə i yaddan çıxıb

P.S.Uğurlar

--------------------

Şeir - Allahın şairin qulağına pıçıldadığı sözlərdi.

Yazdı: Elman Mabud:

19 Aprel 2011 07:04

Yaşayır: --
Əsərlərin sayı: 18
Resenziyalar: 6
Status: Şair

Salam, Bayramı müəllim. Sonsuz qədər minnətdaram, şox sağ olun.
Hörmətlə Elman Məbud.

Salam, Səkinə xanım. Mən 25 ilə yaxın qürbətdə yaşamışam. Bu şeri isə B.Vətənoğlunun "Allahsız dünya" kitabını oxuduqdan sonra kitabın dərin təsiri altında yazmışam.(Rusiya Federasiyasında). Diqqətinizə görə minnətdaram.

Nəcməddin müəllim, diqqətinizə görə çox minnətdaram.İradınızı tam səmimi qəbul edirəm, bu bir texniki səhv idi.
Hörmətlə Elman Məbud.

--------------------

Hörmətlə Elman Məbud

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »