Ondan bircə bunu mən diləmişəm,
Bu dünyadan mömin olub köçəydim.

Ömrü ölməzdən dilən,
Səcdədə dolsun gilən,
Çəkdiklərimi bilən,
Dərdimi bölənim var.

Allahım, Adındır mənim göz yaşım,-
Nə olar qovuşdur məni özünə.
Ruhum səninkidir,- yoxdur təlaşım.
Sığışmır qəmimin qəmi özümə...

Qədim bir xilqətə-mələyə, cinə
"Adəmə səcdə et"- əmr edib Allah.
İndi də əyilib həmin ədəmə
Səcdə ediriksə sayılır günah?!

Rəhimliyə hər əməli bir yükdü,
Dünyaya bağlanma, ipi çürükdü.
Sənin rəhmin günahlardan böyükdü,
Bağışlaya bilərsənmi sən bizi?

Rəhimli, bu dünya yuxudu ayıl.
Təkcə ağ aparar həm şah, həm sayıl.
Hamının canını alan Əzrayıl,
Sənin də canını, yaradan alar.

Haram şeydən dadanlara, cümlə yazığa baxmışam.
Dindən geridə qalanlarda külli nəticə görmüşəm.
Tərbiyədən xəbərsizi görüb tədbirim almışam.
Tərbiyəsiz olan kəsdə külli nəticə görmüşəm.

Yaranandan xeyir və şər nağılıdır,
Hər insanın var dövləti ağlıdır,
Qaytarmaz geriyə, yolu bağlıdır,
Verdiyini, bir-bir alan dünyadır,

Müşkülü, səbrlə həllə yetirən.
Quru səhralara,”zəm-zəm”gəitirən.
Musanı,dəryadan əl tək ötürən,
İsanı,qeybindən verəndi tanrım.

Odur,bəndəsinə Qur`anı verən.
Beş kərə namazı,duanı verən.
Peyğəmbəri, 12 imamı verən
Böyükdü,əzimdi,əkrəmdi tanrım.

Nəzəri, sevgisidi ehtiyacım,
Məkkəm, Mədinəmdi nurum, baş tacım,
İmanda saflığım, haqqda əlacım,
Uca yaradana, sığınmışam mən.

Rəhimlini nura, zərə bələyib,
Şükr eləyin, mömin olun, söyləyib.
Ondan səbr və mərhəmət diləyib,
Uca yaradana, sığınmışam mən.

Hamımızın son səfəri, axirət,
Hər ölümlə təsdiqlənən həqiqət.
Toxum əkdik, içi sümük, çölü ət,
Yerinə baş daşı göyərdi, bitdi.

Soyuq, dilsiz daşdan, qəsrlər qurar,
İnsandan torpağa naxışlar vurar,
Tanrı fərmanıyla, qarşında durar,
Sonuncu qonağın olar, Əzrayıl.

Həqiqət görünər, çalınanda sur,
Ən yaxşı əməldi,o dünyada nur.
Rəhimli, günahsız qatil tək odur,
Tanrının əmriylə ölər Əzrayıl.

Sən lal ümidlərin, dil arzususan,
Təşnə tək yanana, bir içim susan,
Adınla başlasam, hər müşkül asan,
Şükrümün,duamın, ünvanı Allah.

La ilahə illəllah-ın yox tayı,
Göndərilər hər kəsin ruzi payı,
Günahdan islahdı Ramazan ayı,
Yazdı, on bir ayın sultanı Allah.

Səni zikr edən, səbrli,əzimli,
Səndən gəlir deyə, dərdə dözümlü.
Yaradanın bir adı da, Rəhimli,
Sağalmaz yaramın, dərmanı Allah.

Rəhimli səcdəndədi, şükrənallah,
Qovuşacaq rəhmətinə inşallah,
Adı doxsan doqquz, özü tək allah,
Yarəb, mənim, günahımı bağışla.

Rəhimli, çəkmə ahını,
Tövbənlə yu, günahını.
Tanıdıqca allahımı,
Qul olmaqı öyrəndim.