Hər gülün,çiçəyin öz ətri gözəl,
Hər yarpaq tökülsə,sayılmır xəzəl.
İstəsən sevgilim,bu gün bizə gəl.
Qoxlayım saçının gur tellərini,
Sevdim bu yerlərin gözəllərini.
Söhbət eyləyərsən könlüm şad olar,
Qorxub deyərsənki,eldə ad olar.
Sənə söz qoşmağa haqq imdad olar.
Gözümdən ayırma o gözlərini,
Sevdim bu yerlərin gözəllərini.
Gözəllik başına bəladı dedim,
Çoxunu odlara qaladı dedim.
Həsrətin aşılmaz qaladı dedim.
Çəkdi əllərimdən öz əllərini,
Sevdim bu yerlərin gözəllərini.
Yaman əlçatmazdır,eşqin əlimə,
Yola gətirmədi heç bir söz,kəlmə.
Toxumu kağıza söz ilmə-ilmə,
Dedi qəlbindəki dərdi-sərini,
Sevdim bu yerlərin gözəllərini.
Çıxdıq təbiətin gözəl seyrinə,
Üşüdü örpəyi atdı çiyniə.
Sanki,günəş doğdu bu gün eyninə.
Gəzdik çöl-çəməni təpələrini,
Sevdim bu yerlərin gözəllərini.
İnşallah qovuşaq olsun toy,nişan,
Elvin,bu gözələ canın da qurban.
Könlünü ovlamaq olmadı asan.
Dedi el-obanın adətlərini,
Sevdim bu yerlərin gözəllərini.
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (5)
