Bəzən sevinərsən bəzən gülərsən
Bəzən bulud kimi dolarsan İnsan
Baharda açılan tər çiçək təki
Vaxt gələr saralıb solarsan İnsan

MƏN NƏ DEYİM SƏNƏ DÜNYA

Yaxşı ki, könlümə həyan var hələ,
Sözümün şəhdinə uyan var hələ.
Yaxşı ki, ruhumu duyan var hələ,
Yaxşı ki dostum var Aydın Ay kimi

Dünya,duymamışam hələ ləzzətin,
Ömrümə pay oldu qəmin,həsrətin.
Elə gizli var ki,öyrənmək çətin,
Bəzən aşkarıdı sirrin yuxular.

Elvin,qalan ömrü ötürmə hədər,
Bir də görərsən ki,karvanın gedər.
Pozulmaz qüssədi,silinməz kədər,
Qəlbinin qəlbimdən küsən günləri.

Elvin ürəyini açdı şerinə,
Yaxşısı budur ki,getmə dərinə.
Mən niyə ağlayım sənin yerinə,
Özün eşq oduna yaxıl,ay ürək.

Elvin,dözmək olmur dözülməz dərdə,
Mən öz xeyirimi gəzirəm şərdə.
Hamı mənim üçün bir olan yerdə,
Sən isə yüzüsən,sevirəm səni.

Gözəllər yaranıb gözdən ötəri,
Elvin söz söyləməz sözdən ötəri.
Qoyma ulu tanrım yamanı,şəri,
Büsatı çevirib vay eyləməyə.

Sevgi yağışına neyləsin çətir,
Elvin xoşbəxtliyi gözündə gəzir.
Eşqinin sehrindən olmuşam şair,
Daha bundan başqa söz demirəm mən.

İnşallah qovuşaq olsun toy,nişan,
Elvin,bu gözələ canın da qurban.
Könlünü ovlamaq olmadı asan.
Dedi el-obanın adətlərini,
Sevdim bu yerlərin gözəllərini.

Elvin,yaxşı keçir ömrü,güzarı,
Solmasın bağçanın ilki,nübarı.
Dünyadan istəməz dövləti,varı,
Can üstə,məzarı qazılan könül.

Elvin bu insafa haray qoparar,
Gündüz çıraq ilə səni axtarar.
Ömür dəftərimdə deyim nələr var,
Dərdimin cərgəsi sıralanıbdı.

Elvin,vətən üçün gərəkdi sipər,
Qoru millətini,ol igid əsgər.
Dahilər,ustadlar olmasa əgər,
Bu gün şeir,sənət,söz də olmazdı.

Yarası böyükdü acı gerçəyin,
Axırı boş olmaz doğru əməyin.
Elvin,nədi arzun,nədi istəyin,
Dəyişir,dayanmır küləklər kimi.

Elvin şair olub,yazır eşqindən,
Gəzmə aralıdan,dolanma gendən.
Bircə xahişim var dünyada səndən,
Gözümdən qəlbimə süzül,ax,gülüm.