Bir dərdli kamanam, səsim nalədir.
Ürəyimdə xal var sanki, lalədir.
Yaşım dərya, qanım bir piyalədir,
Gəl iç, qatili ol yazıq canımın.

Qəm yaranıb ki, mən çəkəm,
Kədər biçəm, sevinc əkəm.
Mən doğulan gündən təkəm,
Sən əzəldən olmamısan.

Dünyanın bakirə çağları getdi…
Daha oksigen də saxtadır, saxta.
Dünya-dünya deyil, supermarketdi,
Hamı satıcıdır, hər yan piştaxta…

Bir kitab yazmaq gəldi içimdən
İçimdə çoxtu kitab...
Hər cür fikir var bu kitablarda.

Arzularım başqalarının gerçəyi olmuş,
Bir tamaşaçı kimi qaldım bu teatrda,
Oturdum ən arxa yerdə

Ölümün bir addımındayam
Dünyanın kəndarında,
İçimin çıxmazlıqlarında,

Xəbərimiz belə olmadan kiminsə səhnəsinde baş roldayıq:
Kiminsə sinəsindədi,
bədənimizə ağırlıq edən başımız.

Azanlar yolun ulduzla tapardı,
Fələk mənim ulduzumu qopardı.
Rəhimli, bəxtini yellər apardı,
Ömrü necə verdin heçə, bilmirəm.

Torpaq bərk örtəcək üstünü bir gün,
Ölümdən qaçdıqca, ona gedirsən.
Rəhimli, yaxşılıq toxumu səp ki,
Nə etsən, özün özünə edirsən.

Gəlin, qanları ilə uğrunda canlarından keçdikləri torpağı suvaran
şəhidlərimizin intiqamını yerdə qoymayaq...

Bir səs çağırdı məni,
Gördüm sanki, dumandı.
Dizim titrədi, əsdi,
Baxdım, libası qandı.
Soruşdum adın nədir?
Dedi ki, İntiqamdır.

Güldürmədin Rəhimlinin üzünü,
Qan bürüsün, ayrılığın gözünü,
Eşitmisən, yalan dünya sözünü?
Səndən danışırlar, dünya, a dünya?!

Dərdlər boşuna gəlməz,
Ölsəm xoşuna gəlməz,
Dünya yaşına dəyməz,
Sən ağlama, ürəyim.

Həsrətimin əllərindən tutub çöllərə düşdüm...
...gəlim, səni tapım deyə
Məcnun eşqi əfsanədir, özüm dillərə düşdüm...
...gülüm, səni tapım deyə

Mən düşürəm gözlərimdən,
aram-aram
gözlərimdən
düşən
yaş damlası tək.

Acı dil, qəlb qıranın,
Min imarət quranın,
Deyin, hər yarananın,
Sonu ölüm deyilmi?