Qaçır

Müəllif: Shemsi | 7 Fevral 2012 | Oxunub: 155| Yadda saxlamaq:

Gecələrim yuxusuz,
Çiçəklərim qoxusuz.
İçim oddu, çölüm buz,
İçim çölümdən qaçır.

Könlüm nağıl istəmir,
Başım ağıl istəmir.
Saçım sığal istəmir.
Daraq telimdən qaçır.

Amanımı qıran söz,
İliyimi vuran söz,
İçimi yandıran söz,
Durmur, dilimdən qaçır.

Necə qaçaq bu şərdən,
Gedən gəlmir şəhərdən.
Hava, torpaq zəhərdən,
Bəşər zülümdən qaçır.

Həsrət, kədər uc-uca,
Yığılıb dağdan uca.
Haçandı Şəmsi Qoca
Vaxtsız ölümdən qaçır.

Çap etmək

Əziz qonaq, lütfən qeydiyyatdan keçin.

(səs sayı: 4)

« Əvvəlki əsər: BİRİ VARDI, BİRİ YOX.-----N. KƏSƏMƏNLİNİN ƏZİZ XATİRƏSINƏ
» Növbəti əsər: Biləsən

Əsəri oxuyanlar (45)

Oxşar misralar:

O DA SƏN TƏK QAÇIR MƏNDƏN UZAĞA

Yazdı: rena61:

7 Fevral 2012 21:02

Yaşayır: bakı
Əsərlərin sayı: 0
Resenziyalar: 26
Status: Yeni şair

Əsl sufi şeiri! Əladır Şəmsi bəy! Sizin yaradıcılığınızdakı bu xətti həmişə bəyənmişəm. Yəqin ki "Müasir poeziyamızda sufi şeiri" məqaləmi oxumusan. Bu şeirin də həmin şeirlərdən biridir. Səndə bu mövzular yaxşı alınır.

Yazdı: Aygun Rehimli:

7 Fevral 2012 21:04

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

İçim oddu, çölünm buz,

BURDAKI MEXANİKİ SƏHVİ DÜZƏLDİN.
ŞEİR GÖZƏLDİR.MƏNİM BİR ŞEİRİMİ YADIMA SALDI.

ÇOX DAŞ KƏSƏK AYAQ GÖRÜB,
DƏRDLƏR MƏNİ OYAQ GÖRÜB.
BAŞIM ANCAQ DAYAQ GÖRÜB,
BİR SIĞALA MÖHTACAM.

DOYMUŞAM KƏNDDƏN, ŞƏHƏRDƏN,
BEZMİŞƏM DƏRDDƏN, KƏDƏRDƏN.
KÖRPƏ UŞAQ KİMİ HƏRDƏN,
BİR NAĞILA MÖHTACAM.

AÇDIM ÖMÜR DƏFTƏRİMİ,
OXUDUM XƏRC, NƏFLƏRİMİ.
DÜŞÜNÜRƏM SƏHVLƏRİMİ,
BİR AĞILA MÖHTACAM.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: Shemsi:

7 Fevral 2012 21:13

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Sağ olun Rəna xanım. Oxumuşam. Gözəl ədəbi-tənqidi yazıdır. Təşəkkür edirəm qiymətinizə görə. Aygün xanım salam! Səhvi düzəltdim. Sizin şeirinizlə eyni ruh var bu şeirdə. Yəqin ki ruhumuzdadır sufilik.

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: sefer:

7 Fevral 2012 21:14

Yaşayır: Baki
Əsərlərin sayı: 168
Resenziyalar: 1072
Status: Şair

Nədən gəldi bu zamana
Tuş gəlmişik biz yamana
Ümid də yoxdu amana
Mərdlər namərddən qaçır

Ugur olsun

Yazdı: Shemsi:

7 Fevral 2012 21:17

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Sağ ol Səfər bəy! Sənə də uğurlar! az yaz, çox işlə! Sən mükəmməl şair olacaqsan!!!!!!!!!!!!!!!

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: Saxavat:

7 Fevral 2012 23:08

Yaşayır: --
Əsərlərin sayı: 287
Resenziyalar: 953
Status: Şair

Mən qaçmadım heç birindən:-
Nə istidən, nə sərindən,
Nə acidan nə şirindən,
Nə dayazdan nə dərindən...
Ürəyim oynar yerindən,
Qaçanlar əlimdən qaçır,
Lap boynuma mindirdiyim
Şütüyüb belimdən qaçir.

Qaçır qaçsın, Şəmsi qağa,
Baxmasın sola həm sağa.
Ay canım sənə sadağa,
Göy də yerdən, yer də göydən,
Tükəz də Səlimdən qaçır.
-----------------------------
Qağa, diyəm neyneeeersən, nağayreysan, darıxmeysan ki?
-----------------------------

Vah... desinlər QIZ şeir yazıb da... heylə yox ey, belə yaz:

Çox daş-kəsək atma mənə,
Qəm-kədəri çatma məınə.
Başqasini qatma mənə.
Bağlayan çox qatma mənə...
De baldan da şirin olan
Bir noğula möhtacam.
-------------------------

Yaxud:

Neynəyirəm QİZIL GÜL-ü,
Gəl, ömrümün QIZ, OL GÜLÜ!
Dilim olub MAZOL GÜLÜR...
Bir sağola möhtacam.

Yazdı: Shemsi:

8 Fevral 2012 00:10

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Məzən olsun Səxavət! Belə də xəstəlik məni birtəhər eləyib. Bu gün işdən yarımçıq gəlmişəm. İndi bir balaca yaxşıyam. Aygünə yazdığın şeir məni xeyli güldürdü. Sən bu qıza nə çox sataşırsan ey?

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: Aygun Rehimli:

8 Fevral 2012 00:21

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

imkan ver, ölüm yerində də , ay Səxavət............

şipşirin nağılım var,
noğul nəyimə gərək?
sənin ki, ağılın var,
ağıl nəyimə gərək?

əzizinəm qızılgül,
sən bülbül , mən qızılgül.
dünyacan dərdin olsa, ay oğlan,
yenə şadlan yenə gül.

niyə ah nələn tutub bu portalı?

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: Saxavat:

8 Fevral 2012 00:38

Yaşayır: --
Əsərlərin sayı: 287
Resenziyalar: 953
Status: Şair

Qağa, Allah sənə şəfa, düşmənivə cəfa-yani-qoltuğuna mafa versin... əlqərəz, bu camaatın zibilə döndərdi dünya düzələcək ya yox?
-----------------------------

Qağa, Ayğün mənım ürəyimin bəndidi. Məgər eşitməyibsən ki, ya... PİŞİK ÖZ BALASINI İSYƏDİYINDƏN YEYİR?

-----------------------------

ŞƏMSİ, QARDAŞIM, VALLAH SƏNİ ÇOX İSTƏYİRƏM. HƏM DƏ, LAP ÇOX...

Yazdı: Shemsi:

8 Fevral 2012 00:58

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Sağ ol, Səxavət. allah sənin ulduzunu Aygünlə barışdırsın. Mən də səni çox istəyirəm. vallah səmimi deyirəm. sən burada olmayanda darıxıram. Sənsiz heç nə ləzzət eləmir mənə. İnşaallah, havalar düzəlsin görüşək. Mən telefonumu və iş yerimi indi sənə ismarıcla yazacam. Nə vaxt isrtəsən görüşə, dərdləşə bilərik.

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!