İşinə qarışdım, bağışla, Allah

Müəllif: Shemsi | 7 Fevral 2012 | Oxunub: 139| Yadda saxlamaq:

Məndə inam var ki, başımız üstə
Göyləri görünməz dayaq saxlıyır
Dərk edib düşünən başı bir bədən
Necə ki, bədəni ayaq saxlayır.

Mən elə bilirəm qar qanadlıdı
Onunçün göylərdən dayaqsız gəlir
Bir anda ilana yem olan yazıq
Qurbağa dünyaya ayaqsız gəlir

İçində gizlənib yağışın rəngi
Özünü çiçəkdə güldə göstərir.
Mənə elə gəlir Yer tövşüyünü
Dağlara güc gələn yeldə göstərir.

Vulkan ürəyinin odudu Yerin
Bağrının başından alov püskürür
Şimşək köhlənidir, uca göylərin,
O şahə qalxanda göylər öskürür

Mənə elə gəlir günahkaram mən
Yu məni bir damcı yağışla, Allah!
Guya nələrisə bilənlər kimi
İşinə qarışdım, bağışla, Allah!

Çap etmək

Əziz qonaq, lütfən qeydiyyatdan keçin.

(səs sayı: 7)

« Əvvəlki əsər: Sabahın xeyir
» Növbəti əsər: Mənə yalan danış

Əsəri oxuyanlar (66)

Oxşar misralar:

Ürəyim, məni bağışla.

Düşmüşəm qəriblər ölkəsinə mən

Yazdı: Axundi:

7 Fevral 2012 11:27

Yaşayır: Bakı
Əsərlərin sayı: 107
Resenziyalar: 607
Status: Şair

Sonluğu elə gözəl tamamlamısan ki, Allah bu ürəyə görə bağışlayar səni qardaş!

Yazdı: Aygun Rehimli:

7 Fevral 2012 15:24

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

Mənə elə gəlir günahkaram mən
Yu məni bir damcı yağışla, Allah!
Guya nələrisə bilənlər kimi
İşinə qarışdım, bağışla, Allah!

hamımızın günhı var, Şəmsi qardaş.təki sonumuz bağışlananlardan olsun.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: rena61:

7 Fevral 2012 18:02

Yaşayır: bakı
Əsərlərin sayı: 0
Resenziyalar: 26
Status: Yeni şair

İçində gizlənib yağışın rəngi
Özünü çiçəkdə güldə göstərir. yaxşı deyimdir. amma yuxarıdakı qurbağa məsələsi məni açmadı. Şəmsi bəy bəlkə o qurbağanı kiçik hərflə yazasan? Yaxşı ifadədir!

Yazdı: bayrami:

7 Fevral 2012 18:44

Yaşayır: --
Əsərlərin sayı: 155
Resenziyalar: 1548
Status: Şair

Uğurlu bənzətmə və istiarələrinlə səni təbrik edirəm. Sondakı üzrxahlığın lap yerinə düşür. Bəs niyə bir damcı yağışla yuyulmağını istərdin? Onun hər damlasından dürr, mərcan yaranır, ona görə?

Yazdı: Biri:

8 Fevral 2012 03:23

Yaşayır: --
Əsərlərin sayı: 35
Resenziyalar: 175
Status: Şair

İçində gizlənib yağışın rəngi
Özünü çiçəkdə güldə göstərir.

Əla. Sadəcə həmişə təriflənən quru söz oyunu deyil. Əsil bədii tapıntıdır !

Yu məni bir damcı yağışla, Allah!

Burada aşağıda ifadə etmək istədiyim bir assosiasiya yaranır. Allahın rəhmətinin bircə damcısı da bizim üçün ən böyük bir nemətdir.

Mənə elə gəlir, Yaradanımın
Rəhməti özü tək sonsuz ümmandır.
Bütün bəşəriyyət paklanmaq üçün
O ümmandan bircə damcı umandır.

Yazdı: Samir Qara:

8 Fevral 2012 03:38

Yaşayır: özümdən uzaqlarda mənimə yaxın bir yerdə
Əsərlərin sayı: 43
Resenziyalar: 882
Status: Azad yazar

Birinci ve sonuncu bendler lap lezzet eledi...Ugur olsun...

Her gun bir gunaha men bulawmiwam
Daha elemeyim hey urawmiwam
Dunen dediyimi unutdum sabah
Bir qelet eledim bagiwla Allah...

--------------------

Mənim yazdıqlarım şeir deyil...Ürək sözlərim və ağrılardı...

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »