Mən...

Müəllif: Axundi | 5 Fevral 2012 | Oxunub: 187| Yadda saxlamaq:

Rəbbim hikmətiylə zərrə nütfəyə
Əcəb yerləşdirib ruhumu mənim
Demək ki ruhuma yaraşım deyə
Bərqərar edilmiş vücudum, tənim

Mənim azadlığım-cəmi doqquz ay
Anamın bətnində yaşanmış demə
Vücudum əzaba qoşulan andan
Sevincim ruhumdan boşanmış demə

Bu dünya qaranlıq zirzəmi imiş
Mən zaman əsiri, biçarə məhbus
Qəlbim ümid dolu bir gəmi imiş
Kədər ümmanında qərq olur, əfsus

Mənim ümidlərim xəzələ dönən
Yerlərdə sürünən yarpaqlar kimi
Mənim arzularım günbəgün sönən
Ulduz yığınıdır, tutub qəlbimi

Mənim imkanlarım arzularımla
Nədənsə həmişə tərs mütənasib
Dil tapa bilmədim ahuzarımla
Macal tapan kimi sözümü kəsib

Mənim məhəbbətim gecələr Aydı
Gündüzlər Günəşin şəfəqləridir
Kaş imkan olaydı, fürsət olaydı
Paylaşa biləydim bəşərlə bir-bir

Zamanın sərt üzü dönəndən bəri
Möhnət qandallayıb qolumu mənim
Gedirəm...bu yoldan dönüş yox geri
Ədalət gözləyir yolumu mənim

Çap etmək

Əziz qonaq, lütfən qeydiyyatdan keçin.

(səs sayı: 6)

« Əvvəlki əsər: Şeirdisə
» Növbəti əsər: Gül, gül gülə bilsin, gülü gülşəndə görüncə,

Əsəri oxuyanlar (53)

Oxşar misralar:

YA RƏBBIM SƏN ÖZÜN MƏNƏ NİCAT VER

GECƏLƏR

Günlər olaydı

Dustağ ana bətnində ikən.

SƏN ONSUZ DA, MƏNİMLƏSƏN HƏMİŞƏ

Resenziyalar (9)

Yazdı: Samir Qara:

5 Fevral 2012 16:06

Yaşayır: özümdən uzaqlarda mənimə yaxın bir yerdə
Əsərlərin sayı: 43
Resenziyalar: 882
Status: Azad yazar

Sag ol Axundi...elaaa...

Sevinc atda olur bizse piyada
Cox vaxt bele olur inan dunyada
Keder boyuk deniz biz kicik ada
Keder deryasinda duwmuwuk oda...

Ugur olsun...

Samir QARAGUN...

--------------------

Mənim yazdıqlarım şeir deyil...Ürək sözlərim və ağrılardı...

Yazdı: Aygun Rehimli:

5 Fevral 2012 16:06

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

Mənim azadlığım-cəmi doqquz ay
Anamın bətnində yaşanmış demə
Vücudum əzaba qoşulan andan
Sevincim ruhumdan boşanmış demə.!!!!

gözəl sözlərdir.ELVİR, AMMA ALLAH RAHATLIĞI İNSANA AXİRƏTDƏ VERİB, BİZ BU DÜNYADA AXTARIRIQ.ONA GÖRƏ TAPNIRIQ.ANA BƏTNİ VƏ QARA TORPAQ.BU 2 QARANLIQ DÜNYADA GÖRƏ BİLƏRİK ANCAQ.

SƏNƏ UĞURLAR.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: ilashka:

5 Fevral 2012 16:31

Yaşayır: Baki
Əsərlərin sayı: 31
Resenziyalar: 632
Status: Şair

Mənim ümidlərim xəzələ dönən
Yerlərdə sürünən yarpaqlar kimi
Mənim arzularım günbəgün sönən
Ulduz yığınıdır, tutub qəlbimi

Gozel təşbeh, eyni zamanda tezad... Dusundurucu, zovq veren bir seir... Ugurlar, Elvir!

Yazdı: Axundi:

5 Fevral 2012 16:34

Yaşayır: Bakı
Əsərlərin sayı: 107
Resenziyalar: 607
Status: Şair

Samir Qara,
inşallah hər şey yoluna düşər
Aygun Rehimli,
təşəkkür edirəm, bax elə o iki məqam bu şeirdə (ilk və son misrada) yer alıb
ilashka,
Minnətdaram, çox sağ ol!

Yazdı: Biri:

6 Fevral 2012 00:31

Yaşayır: --
Əsərlərin sayı: 35
Resenziyalar: 175
Status: Şair

Bundan əvvəlki qeydimdə umduqlarımı gözlədiyim istedadlı gənclərdən biri sizsiniz. Bu şeiriniz da ona sübutdur. Çox gözəl. Şeirinizdə hiss olunan müəyyən bədbinliyi sonuncu iki misranız bəmbəyaz nikbinliklə rəngləyir. Ədalət yolunu seçmək məgər əsil nikbinlik deyilmi?!

Yazdı: Shemsi:

6 Fevral 2012 00:39

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Şeir gözəldir! Elvir mövzunu gözəl bitirib. Rəylər də gözəldir.

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: Axundi:

6 Fevral 2012 00:47

Yaşayır: Bakı
Əsərlərin sayı: 107
Resenziyalar: 607
Status: Şair

Biri,
nisgil dolu fikirlər şeiri nə qədər "gözəlləşdirirsə" də, həddən ziyadə olduqda bezdirir bəzən, ona görə də elə məhz son iki misrada nikbinliyə adaptasiya yaratmağa çalışdım, ümidvaram ki alınıb, sizə də rəyiniz üçün minnətdaram.Shemsi,
təşəkkür edirəm, sağ ol qardaş!

Yazdı: bayrami:

6 Fevral 2012 03:35

Yaşayır: --
Əsərlərin sayı: 155
Resenziyalar: 1548
Status: Şair

İnsan ömrü qiyamətəcən 4 mərhələ keçir: ruh halında. Ana bətnində. Dünyada. Qəbr evində. Doğru buyurdun: Mənim azadlığım- cəmi doqquz ay"(!!!)

"Sevincim ruhumdan boşanmış demə" Bəh-bəh! Tonlardan ağırdır bu misranın məna tutumu! Boşanmış ha! Nə böyük poetik tapıntı!

Yazdı: Axundi:

6 Fevral 2012 14:43

Yaşayır: Bakı
Əsərlərin sayı: 107
Resenziyalar: 607
Status: Şair

Bayrami bəy, ətraflı məlumat üçün təşəkkür edirəm, baxdım ki şeirimdə ilk mərhələ çatışmır, elə əlüstü bir bənd əlavə elədim başlığa, araya bir bənd də (ülviyyətdən) əlavə etdim, yəqin yenə əlavələr olacaq, minnətdaram!

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »