Vətən xatirinə, torpaq naminə
Şahintək havaya qalxdı Mübariz!
Qıy vurdu, seyr etdi ana torpağı
Həsrətlə vətənə baxdı Mübariz!
Qisas-qisas deyib əsrədi, coşdu,
Yağı düşmənləri zəmitək biçdi,
Erməni mat qaldı, meydandan qaçdı
Dönüb ildırımtək çaxdı Mübariz!
Tək girdi meydana ərən oğlu ər,
Düşməni sarsıtdı ondakı hünər,
Rəşadət göstərdi çalaraq zəfər
Leşi leş üstünə yığdı Mübariz!
Ana qürur duydu, ata şax durdu,
Fəridim düşməni sənintək qırdı,
Qalxdı Türk dünyası, səcdəyə gəldi
Sənə ziyarətə axdı Mübariz!
Vətənin dar günü Həşim1 , Çingizim2 ,
Döyüşə atıldı hər iki gözüm,
Oruc, yenilməzdir Türküm, Oğuzum
Düşmənin gözünə oxdu, Mübariz!
Bakı, 13 noyabr 2010-cu il
1 Həşim – Oruc Əliyevin ikinci oğlu Qarabağ müharibəsi veteranı
2 Çingiz – Oruc Əliyevin kiçik oğlu Qarabağ müharibəsi veteranı
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (5)
