MÜBARİZ

Müəllif: SEVİNC | 10 Noyabr 2010 | Oxunub: 457| Yadda saxlamaq:

MÜBARİZ
(Milli Qəhrəman Mübariz
İbrahimova ithaf olunur)

Vətən sevgisinə yar insan kimi,
Yağdı yağı üstə gur leysan kimi.
Birinci könüllü partizan kimi,
Düşmənin içinə doldu Mübariz.

Tutmadı bir gülün butasından o,
Gen gəzdi lal eşqin xatasından o.
Halallıq istədi atasından o,
Açmamış qönçəydi,soldu Mübariz.

Yağının ustünə güllələr yağdı,
Düşmənlər qırıldı,o,daim sağdı.
Erməni gözündə alınmaz dağdı,
Sarsılmaz bir qala oldu Mübariz.

Bir dəfə olubmu düz-doğruları,
Dərə oğruları,düz oğruları.
Onsuz da bu torpaq yüz oğurlanıb,
Mehriyə uzanan qoldu Mübariz.

Sədası altında qopuzun,sazın,
Düşmənə səngərdə siz qəbir qazın,
Eşidin,Vətənin ər oğlu,qızı
Mərdliyə çağıran yoldu Mübariz..

Ruhu narahatdır,yeri dolaşır,
Dərələr adlayır,zirvələr aşır.
Bayrağı ucaltdı: mavi,al,yaşıl,
Günəş tək işığın boldu Mübariz.

Nifrətdən bulaq tək qaynadı,getdi,
Gəng ömrü ləkəsiz aynadı,getdi.
Özü öz ifasın oynadı,getdi
Tarixə yazılan roldu Mübariz.

Yazı "Kaspi" qəzetinin Milli Qəhrəman Mübariz
İbrahimovun xatirəsinə həsr olunmuş Vətənpərvərlik
mövzusunda bədii əsər və publisistik yazı müsabiqəsinə
təqdim edilir.

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: ÖLƏN İMİDLƏR
» Növbəti əsər: Осень.

Əsəri oxuyanlar (107)

Oxşar misralar:

Millli Qəhrəman Mübariz

QƏHRƏMAN MÜBARİZÇÜN

MUBARIZ

MÜBARİZ

Sən tarixə adını qanla yazdın, MÜBARİZ

Resenziyalar (7)

Yazdı: ISAG:

11 Noyabr 2010 02:14

Yaşayır: Sankt-Peterburq
Əsərlərin sayı: 30
Resenziyalar: 54
Status: Şair

Sevinc xanım qələminiz var olsun..Gözel yazmısınız..

Yağının ustünə güllələr yağdı,
Düşmənlər qırıldı,o,daim sağdı.
Erməni gözündə alınmaz dağdı,
Sarsılmaz bir qala oldu Mübariz.

Uğurlar..

Yazdı: Necmeddin:

11 Noyabr 2010 07:13

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Şəhidə həsr olunmuş şeir olduğu üçün ancaq uğur arzu edib yaradıcılığınızın davamlı olmasın arzu edirəm.

--------------------

Şeir - Allahın şairin qulağına pıçıldadığı sözlərdi.

Yazdı: ELDAR:

11 Noyabr 2010 19:49

Yaşayır: Bakı şəhəri
Əsərlərin sayı: 117
Resenziyalar: 435
Status: Şair

Çox gözəl bir ƏSƏRDİR ! Mübarizə ruhlu bir əsər !

Sədası altında qopuzun,sazın,
Düşmənə səngərdə siz qəbir qazın,
Eşidin,Vətənin ər oğlu,qızı
Mərdliyə çağıran yoldu Mübariz!!!!!!!!!!!!

SEVİNC XANIM, YENİ-YENİ ŞEİRLƏRİNİZİ GÖZLƏYİRİK. 5 XAL.
UĞURLAR !

--------------------

Həsrət məhəbbəti çəkəndə dara,
Dünya sevincindən geyəndə qara,
ALLAHIN əmriylə hər gün Eldara,
Fələklər ah çəkər, mələklər ağlar !

Yazdı: bayrami:

12 Noyabr 2010 13:23

Yaşayır: --
Əsərlərin sayı: 155
Resenziyalar: 1548
Status: Şair

Yazmaq lazım idi: MİLLİ QƏHRƏMAN Mübariz İbrahimovun əziz xatirəsinə!
P,S,
Sevinc xanım, ithaf şeirlərini yazmaqda mahirsən. Şəhid Vətənimizin duz-çprəyi sənə halal olsun! Bu şeiri də yaxşı yazmısan,xoşuma gəldi.

Yazdı: VAGIF:

12 Noyabr 2010 21:53

Yaşayır: --
Əsərlərin sayı: 0
Resenziyalar: 0
Status: Qonaq

GOZEL WEYRLERINIZE GORE TEWEKKUR EDIREM............
HORMETLE..................

Yazdı: SEVİNC:

13 Noyabr 2010 05:09

Yaşayır: --
Əsərlərin sayı: 70
Resenziyalar: 112
Status: Şair

Salam.Mən Milli qəhrəman,Şəhid Mübariz İbrahimova kiçik poema həsr etmişəm.Çalışasam qəzetdə dərc etdirim.Onu deyim ki "Ulduz"jurnalının10-cu nömrəsində şeirlərim dərc olunub.Rəylərinizə görə hamınıza minnətdaram.

Yazdı: sekineilyasqizi:

19 Noyabr 2010 17:51

Yaşayır: bakı
Əsərlərin sayı: 72
Resenziyalar: 1183
Status: Şair

Afərin!Unudulmaz qəhrəmanımızın lirik portretini nə məharətlə,kamilcəsinə cızmısınız.
İlhamınız heç tükənməsin!

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »