HANI OĞLAN

Gözlər var ki, zil qaradır,
Gözlər var ki, səmavidir.
Göz də var ki, baxan deyir,
Dəniz kimi o mavidir.

Gözlər var ki, daim gülür,
Canlar alır baxmağı da.
Gözlər var ki, hey süzülür,
Gözəl olur axmağı da.

Fəqət bir cüt göz də var ki,
Ovlamışdir məni ov tək.
Hər baxanda qarasına,
Dil lal olur, susur ürək.

Hey baxdıqca o gözlərə,
Könlüm dinir: Dön bax bir də.
Təkcə əksim deyil mənim
Könlüm durur o gözlərdə.
-----------------------------
Müəllif: Xanəli TOLIŞ

Müəlliflər(6) | Qonaqlar (33)