Yad elədi

Müəllif: Zemine Meherrem | 21 Aprel 2011 | Oxunub: 405| Yadda saxlamaq:

Mən yad idim elə yada,
Yaxınım da yad elədi.
Süzgün baxış, soyuq rəftar
Keçmişimi yad elədi.

Ürək bənddir bircə himə,
Söz çatarmı heç him-cimə?
Qurban olum sarı simə,
Adsız sözü ad elədi.

Qəlbim yanıb közə döndü,
Lal baxışlar sözə döndü.
Ox tək süzüb gözə döndü,
Didə bundan dad elədi.

Nəfəs Verən toza, gilə,
Min dil Verən bircə dilə.
“Xoşbəxt odur, yaşın silə...”
Deyən məni şad elədi.
Şeytan Ondan dad elədi.

http://www.stihi.ru/avtor/zemine

Çap etmək

Əziz qonaq, lütfən qeydiyyatdan keçin.

(səs sayı: 7)

« Əvvəlki əsər: NAKAM EŞQ
» Növbəti əsər: Görmədin

Əsəri oxuyanlar (126)

Oxşar misralar:

ÜRƏYİM BOŞ İDİ AXI

ZƏRİF CİNSƏ AĞALIQ

Xatirə yazdım

Eşq atəşi düşə canına,cananı sevəsən(rəməl bəhrində)

Yuxu

Resenziyalar (4)

Yazdı: bayrami:

22 Aprel 2011 17:50

Yaşayır: --
Əsərlərin sayı: 155
Resenziyalar: 1548
Status: Şair

Allah hər şeyi eşidir!
Zəminə xanım, bu 8 hecalı dördlük az qala xoşuma gələcəkdi.Son bənd işləri korladı. Bu bəndi çox oxudum, bir yerə gedib çıxa bilmədim ki, burada nə demək istəmisən?
MİN DİL VERƏN BİRCƏ DİLƏ (??) yəni yaltaqlıq, mindillik(riyakarlıq) XOŞBƏXT OLUR, YAŞIN SİLƏN(??) Yəni göz yaşını silən xoşbəxt olur? Yəni sevinir?
Bunların mətləbə bir dəxli var?
Nə isə demək istəmisən, ifadə edə bilməmisən.

Yazdı: Zemine Meherrem:

25 Aprel 2011 09:54

Yaşayır: Bakı
Əsərlərin sayı: 57
Resenziyalar: 154
Status: Şair

Bayramı bəy, "Min dil Verən bircə dilə" Burada mən Dünyada min cür dildə danışan insanlar haqqında demək istəmişəm. Axı dilin forması eynidir, amma danışmağımız fərqlidir.
"По подсчетам Global Language Monitor, в мире ныне насчитывается 6912 живых языков. "

“Xoşbəxt odur, yaşın silə” Bu mənim sözlərim deyil, bunu Müqəddəs kitab deyir:
Matta müjdəsi 5, 4-cü ayə "Блаженны плачущие, ибо они утешатся"

Çox sağ olun

--------------------

Hörmətlə: Zəminə Məhərrəm

Yazdı: elvin mehmanli:

26 Aprel 2011 20:34

Yaşayır: baki
Əsərlərin sayı: 117
Resenziyalar: 474
Status: Şair

zeminə xanım bu şeirinizdə gözəli ama sizə bir koleqa kimi məsləhətim varki şeiri əvvəlcədən 4 lük götürübsüz axıra kimi də elə getsə daha axıcı və yadda qalan olar.gözə şeirdi ama əgər bir insan eir əzbərləmək istəsə axırına baxıb şeirin bu şeiri əzbərləməz.
Allah ilhamınızı bol eləsin siz gözəl təbə malik bir şairəsiz

Yazdı: Zemine Meherrem:

27 Aprel 2011 10:57

Yaşayır: Bakı
Əsərlərin sayı: 57
Resenziyalar: 154
Status: Şair

Axırıncı bənddə 5-lik olmasa fikir tamamlanmamış kimi olur. Amma hərənin bir cür münasibəti olur, və hər münasibətdən bir fikir yaranır, həmin fikirlər müəllifə gələcəkdə şerlərinin formalaşmasında vasitəçi kimi kömək edir. Minnətdaram...

--------------------

Hörmətlə: Zəminə Məhərrəm

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »