Əhdinə, sözünə düz olan bahar
Yaşıl köynək tikib çölə, çəmənə.
Qışda qan-qan deyən buzqılınc dağlar
Gəlinə bənzəyir, təzə gəlinə.
Toy, büsat bürüyüb bütün aləmi,
Arzunun, həvəsin coşan çağıdır.
Göylərdə iz salan qövsi-quzehmi,
Yoxsa ki, həmayil boyunbağıdır?!
Bahar toy yerinə xalça gətirib,
Naxışı min cığır, min iz, min ləpir.
Buludlar elə bil xonça götürüb
Ağ saçlı anatək ağ noğul səpir.
Quşlar qarşılayır gələn qonağı,
Sürülər yollarla çəkilir bir-bir.
Onları xeyirxah aran torpağı
Bu gəlin dağlara cehiz göndərir.
Müəllif: Ənvər Rza.
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (0)
