gəldim həmən payıza

Qəlbimdəki həsrəti yaza-yaza
Gəldim həmən payıza.
Xatirimdəki payıza.
Həmin yerləri gəzirəm indi.
Artıq mən görən yerlər o deyildi.
Amma ürəyimdəki həsrət bir azca dindi.
Qəlbimdən bir tel qırıldı,
Ucurub məni uzaqlara apardı.
Xatirələrimi gözümdə canlandırdı.
Ağacların arasında dolanıb qaldım.
Keçmişimin payızına doğru yol aldım.

Payız küləyində bir yarpaq kimi əsdim.
Bircə yerə mən qaçaraq tələsdim.
Tələsərək gəlib bir yerə çatdım,
Uçuq evin qapısında dayandım.
Xəyalımda təsvir etdim oranı,
Nənəmin evindən mənə qalanı.
Soyuqdan üşüyüb içəri keçdim,
Qapının səsini belə eşitdim.
Nənəmi görcək yaman sevindim,
Həsrətimi mən nənəmdə dindirdim.

İllərdən süzülüb üzü aşağa,
Döndüm orda balaca bir uşağa.
Mən yenə həmən illərə qayıtdım.
Nənəmi ,evini təsvirimdə yaratdım.
Təsvirimdə söhbət etdim nənəmlə,
Qucaqladım onu kədərlə, qəmlə.
Heç bilmedim, nə vaxt yuxuya daldım.
Qəflətən bu yuxudan oyandım.
Yenə zaman tunelində dolandım.
Uçmuş evin kandarında dayandım.

Müəlliflər(3) | Qonaqlar (34)