Saytda artıq 2828 müəllif qeydiyyatdan keçib və 5492 əsər dərc olunub.
Dərc olunan əsərlərə 20880 resenziya yazılıb.
Sizi də qeydiyyatdan keçib əsərlərinizi dərc etməyə
dəvət edirik!
"Məşhur əsərlər" siyahısına əsərlər oxunmaların və resenziyaların sayına görə, həmçinin əsərin reytinqinə əsasən daxil olur. Siyahıya yalnız son bir həftə ərzində dərc olunan əsərlər daxil ola bilər. Əsəri qaldırmaq xidmətindən istifadə olunduqda şeir əlavə 7 gün siyahıda yer tuta bilər.
Müəllif: Rauf | 29 Yanvar 2012 | Oxunub: 250| Yadda saxlamaq:
Bu amansız dövrana bir ayiq ol,aşkarə bax, Gör nə vaxtdandır bizə pünhan qalan əsrarə bax, Ərz edim dərdim sənə,bu çəkdiyim əfkarə bax, "Ey Vidadi,gərdişi-dövrani-kəcrəftarə bax, Ruzigarə qıl tamaşa,karə bax,kirdarə bax".
Qəlbimə fağırların əhvalı vurmuş bir zədə, Asibi-dövri-zaman qoymuş bu xəlqi lərzədə, Kaş gələ bir hökmdar,həqqi-ədalət ərz edə, "Əhli-zülmü necə bərbad eylədi bir ləhzədə, Hökmü adil padişahi-qadirü-Qəhharə bax".
Fani dövran məzlumu etməz zülümlərdən uzaq, Yaxşının ömrün hüzn,nadanın etmiş təmtəraq, Tez köçər dünyadən,eylər kim ki xeyrə iştiyaq, "Sübh söndü,şəb ki,xəlqə qiblə idi bir çıraq, Gecəki iqbalı gör,gündüzdəki idbarə bax".
Etməyir bir bəndə,əfsus ki,xeyirxah karə şur, Məhv olub insanlıq hissi,qalmayıb əqli-şüur, Gəl yetiş imdadə,ya Sahib-zamanım,et zühur, "Taci-zərdən taki ayrıldı dimaği-pürqürur, Payimal oldu təpiklərdə səri-sərdarə bax".
Ol Xudayə borcludur hər kəs itaət etməyə, Ki,bizi dəryayi-qəm içrə əsarət etməyə, Küfr qılma ki,ola haqqın şikayət eməyə, "Mən fəqirə əmr qılmışdı siyasət etməyə, Saxlayan məzlumu zalimdən o dəm Qəffarə bax".
Fani dünya zillətindən hər soraq tutduqca,qaç, Ömrü-rahət səmtinə zehnin çıraq tutduqca,qaç, Dövri-kuyində yerin haqqın nahaq tutduqca,qaç, "Baş götür bu əhli-dünyadan ayaq tutduqca,qaç, Nə qıza,nə oğula,nə dustə,nə yarə bax".
Ey Rauf,ram olma,bu zillətlər içrə gər sinə, Bağla ümmidin böyük Allahə,meyl et pak dinə, Çünki ehsandır şəfaət axirətdə möminə, "Vaqifa,göz yum,cahanın baxma xubü ziştinə, Üz çevir Ali-əbayə,Əhmədi-Muxtarə bax".
Yaşayır: Bakı
Əsərlərin sayı: 107
Resenziyalar: 606
Status: Şair
Rauf qardaş, mükəmməl alınıb, əla!
P.S. "Nə qıza,nə oğula,nə dustə,nə yarə bax"-özün düşün, bir hecalıq əlavə et, ilk oxunuşda çatışmazlıq istər-istəməz hiss olunur, məsələn "Sübh söndü,şəb ki,xəlqə qiblə idi bir çıraq"-burda heç hiss olunmur, uğur olsun!
Yaşayır: Baki
Əsərlərin sayı: 31
Resenziyalar: 632
Status: Şair
Yeqin ki, qehharin diger menasi da var, amma qehharin menasini yazmisam.
Butun kitablarda bele yazilib. Men eruz veznini yaxsi bilmesem de, Axundinin qeyd etdiyi yerde hec bir qusur gormurem (bu menim oz fikrimdir). Cunki heca vezni ayri, eruz ayri. Eruzda hecalarin uzun teleffuz olunmasi sertdir. Fasilelerle oxunsa, azca da uzun teleffuz olunsa, mence qusur aradan qalxar.
Yaşayır: Bakı
Əsərlərin sayı: 107
Resenziyalar: 606
Status: Şair
İlhamə, elə ona görə də "Sübh söndü,şəb ki,xəlqə qiblə idi bir çıraq" qeyd etdim ki, məhz "Sübh" sözü bəhr qırıqlığını aradan qaldırır, amma "Nə qıza,nə oğula,nə dustə,nə yarə bax"-burda hansı hecanı uzun tələffüz etmək olar? hədəf "yarə"-dirsə, onu o qədər uzatmaq olmaz, bəhrə az da olsa xələl gətirir (irad tutulsa, Vaqifindir deyə Allahın qəzəbinəmi tuş gələrik?)
Yaşayır: Bileceri
Əsərlərin sayı: 132
Resenziyalar: 557
Status: Şair
ilashka, "Qəhhar" Allahın 99 adından biridirsə,məncə,o söz siz deyən mənada işlənə bilməz. Axundinin qeydi düzgündür,çünki Vaqifin "Bax" qəzəli rəməlin "fAilAtün fAilAtün fAilAtün fAilün" təfiləsindədir,"Nə qıza,nə oğula,nə dustə,nə yarə bax" beyti isə təfiləyə heç cür uyğun gəlmir,yəqin kitablar səhv edib,ya da başqa bir səbəb var ki,biz bilmirik..
--------------------
Nədir söz-bəndəyə Həqqdən verilmiş ərmağandır söz, Susub daxildə yatmış hisslər üçün tazə candır söz.
Yaşayır: Bakı şəhəri
Əsərlərin sayı: 117
Resenziyalar: 435
Status: Şair
Aləmlərin RƏBBİNƏ həmd və sənalar olsun.
RƏBBİN QƏHHAR (qəhredici) adının ən çox təcəlla edəcəyi axirət dünyasında (bu dünyada ən çox təcəlla olan RƏHMAN adıdır) cəmi müsəlmanlara səfaət arzu edirəm.
Çünki ehsandır şəfaət axirətdə möminə,
uğurlar.
--------------------
Həsrət məhəbbəti çəkəndə dara, Dünya sevincindən geyəndə qara, ALLAHIN əmriylə hər gün Eldara, Fələklər ah çəkər, mələklər ağlar !
Müəllif: 
Shop.az
Ödənişli xidmətlər
Sənət dostlarım
Çap etmək
Resenziyalar (18)
