HEYİF

Müəllif: Aygun Rehimli | 22 Fevral 2012 | Oxunub: 114| Yadda saxlamaq:

GÜL BAĞLADIM DƏSTƏ-DƏSTƏ,
KİM OLARDI, MƏN HƏVƏSDƏ?
DƏRD ƏLİNDƏN DÜŞDÜ XƏSTƏ.
ÜRƏYİMƏ ÇOX-ÇOX HEYİF!

İLLƏR KEÇDİ ARAM-ARAM,
QAYSAQ BAĞLAMADI YARAM.
SEVGİM SƏNƏ OLSUN HARAM,
HİSSLƏRİMƏ ÇOX-ÇOX HEYİF!

SU QATDIN İSTİ AŞIMA,
ÇƏKDİYİM GƏLSİN BAŞINA
ÖMRÜM KEÇDİ BOŞ-BOŞUNA,
İLLƏRİMƏ ÇOX-ÇOX HEYİF!

HƏR YÜKÜNÜ GÖTÜRDÜYÜM,
SANIRAM Kİ, İTİRDİYİM,
GÖZYAŞIMLA BİTİRDİYİM,
GÜLLƏRİMƏ ÇOX-ÇOX HEYİF.

QƏM QAR ƏLƏDİ BAŞIMA,
SEVƏN ÇIXMADI QARŞIMA,
ÖMÜR BOYU TƏKBAŞIMA,
SEVMƏYİMƏ ÇOX-ÇOX HEYİF.

QƏM AĞLATDI, MƏNSƏ GÜLDÜM,
KƏDƏRİ ÖTƏRİ BİLDİM,
RƏHİMLİ, BU GÜNƏ GƏLDİM,
O GÜNLƏRƏ, ÇOX-ÇOX HEYİF.

Çap etmək

Əziz qonaq, lütfən qeydiyyatdan keçin.

(səs sayı: 4)

« Əvvəlki əsər: SALAM ALLAH ADIDI
» Növbəti əsər: Dərdli olur bu gözlərim,

Əsəri oxuyanlar (46)

Oxşar misralar:

Yazdı: sefer:

22 Fevral 2012 01:11

Yaşayır: Baki
Əsərlərin sayı: 168
Resenziyalar: 1072
Status: Şair

Ocaqdan küllər sovrulub
Bulanıq sular durulub
yenə də şeirin tuş olub
Dərd-ələmə, çox -çox heyf

Yazdı: Saxavat:

22 Fevral 2012 01:38

Yaşayır: --
Əsərlərin sayı: 287
Resenziyalar: 953
Status: Şair

Biri əyri, biri düzdü,
Biri səndən əlin üzdü...
Aygün, axı, bu nə sözdü:
Hər bəndivin bax sonuna,-
Qafiyə girsin donuna...
İstəyirsən de: sənə nə,
Sözdü dedim, çox-çox heyif!!!

Yazdı: Shemsi:

22 Fevral 2012 03:16

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Günlər, illər, hisslər hara,
Yaxşı hara, pislər hara?
Ümid bağlama lər, lara
Qafiyəni kökdən eylə,
Duanı ürəkdən eylə
Səxavətə, ya mənə nə
Düzdü dedim, çox-çox heyif!

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: Saxavat:

22 Fevral 2012 04:57

Yaşayır: --
Əsərlərin sayı: 287
Resenziyalar: 953
Status: Şair

Uşaqlıqda yazeb elə,
Yazmayıb ki, bilə-bilə.
Düzəltməyib səhvin hələ,
Şəkilçilər qafiyədir,
Qafiyə var mafıyadır.
Düzəldər da gündən-günə,
Pis çıxmayıb axı, yenə,-
Pisdisə bundan mənə nə,
Üzdə dedim, çox-çox heyif!

Yazdı: Shemsi:

22 Fevral 2012 05:19

Yaşayır: Bakı
Əsərlərin sayı: 85
Resenziyalar: 537
Status: Şair - moderator

Mən demədim pisdi qağa,
Sözüm düşməsin qırağa.
Şəkilçidən haray olmaz.
Toyuq damı saray olmaz.
Himini bərk etməlisən
Ellərə görk etməlisən
Ya burada dözməlisən,
Ya da ki tərk etməlisən.
Qarğa qonursa çəmənə,
Bundan sənə, ya mənə nə
Sözdü, dedim, çox-çox heyif!

Gecə vaxtı əlqərəzi
Tutdu təbimin mərəzi.
Bir daş gətir, bir tərəzi
Çək gör ağır gələn nədi?
Qafiyə də bəhanədi.
Qarğa darğaya uyğundu
Bir də yorğaya uyğundu.
Sərçəylə nərçə bir gəlir,
Tirdən sonra da pir gəlir.
Dəyirmandan çıxan undu,
meşədən gələn odundu.
Oxuyub bir para şeiri
Şəmsi Qoca da uğundu.
Az qalıb sabah açılsın.
Daha gözlərim yorğundu.
Öz-özümə dedim yenə:
Nə güc vermisən çənənə?
Dediklərindən sənə nə?
Belə-belə şeylər məni
Üzdü, dedim çox-çox heyif.

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: Saxavat:

22 Fevral 2012 05:52

Yaşayır: --
Əsərlərin sayı: 287
Resenziyalar: 953
Status: Şair

Qağa, Allah canıvı səlamət eləsin, Amma, maşallah, gözəl sonluq yazdın. Allah təbivi daha da pərvazlandırsın. TƏŞƏKKÜRLƏR ÖPDÜM!!!

Yazdı: Aygun Rehimli:

23 Fevral 2012 20:27

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

salam, hamıya.bu şeir 10 il bundan öncə yazılıb.bilirəm ki, düzəlişə ehtiyacı var.amma düzəltməyə nə vaxt nədə həvəsim olmadığından olduğu kimi təqdim etdim.....
oxuduğunuz , rəy bildirdiyiniz üçün sağ olun.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »