Demə

Müəllif: ELDAR | 17 Dekabr 2011 | Oxunub: 173| Yadda saxlamaq:

Demə, bu ayrılıq bitməyəcəkdir,
Demə, xatirələr bəsindir sənin.
Xəyalın qəlbimdən itməyəcəkdir,
Ruhuma can verən səsindir sənin.

Yanmışam odunda külə dönmüşəm,
Hər zaman ürəkdə səni anmışam.
Sənsizlik anında ilə dönmüşəm,
Sevgi oxun ilə yaralanmışam.

Açdım ürəyimi ulduza, Aya,
Dərdimi söylədim mən bircə, bircə.
Bu eşqə dözməzdi nə daş, nə qaya,
Təkcə mən dözürəm səni sevincə.

Məgər görmədinmi sədaqətimi ?!
Tufan tək çağladım, sel kimi coşdum.
Qəlbimdə yaşatdım məhəbbətimi,
Sənə ürəyimdə min nəğmə qoşdum.

Çap etmək

Əziz qonaq, lütfən qeydiyyatdan keçin.

(səs sayı: 5)

« Əvvəlki əsər: BƏLKƏ-----NƏHMƏT {QOCA ŞAİR}
» Növbəti əsər: Ali İnsan - ANA!

Əsəri oxuyanlar (82)

Oxşar misralar:

Mən ölən gün öləsən sən.

Resenziyalar (4)

Yazdı: Axundi:

17 Dekabr 2011 22:22

Yaşayır: Bakı
Əsərlərin sayı: 106
Resenziyalar: 605
Status: Şair

Eldar qardaş, məharətindən danışmağı bir kənara qoyuram, oxudum, elə bircə "Sənsizlik anında ilə dönmüşəm" kifayət elədi, əhsən!

Yazdı: ELDAR:

17 Dekabr 2011 23:45

Yaşayır: Bakı şəhəri
Əsərlərin sayı: 117
Resenziyalar: 435
Status: Şair

Qardaş, sağ ol. Gözlərin yorulmasın. Allah razı olsun.

--------------------

Həsrət məhəbbəti çəkəndə dara,
Dünya sevincindən geyəndə qara,
ALLAHIN əmriylə hər gün Eldara,
Fələklər ah çəkər, mələklər ağlar !

Yazdı: Necmeddin:

21 Dekabr 2011 16:50

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Eldar qardaş salam.Həmişə şeirlərin məni elə coşdurur ki oxuduqca dincəlirəm.Özünə məxsusluğun ,səni sən edən hislərin şeriə köçməyi sənə qarşı istəyi artırır.

P.S.Allah təbini su kimi saf eləsin VAr ol

--------------------

Şeir - Allahın şairin qulağına pıçıldadığı sözlərdi.

Yazdı: ELDAR:

22 Dekabr 2011 01:20

Yaşayır: Bakı şəhəri
Əsərlərin sayı: 117
Resenziyalar: 435
Status: Şair

Nəcməddin qardaş, salam. Xoş sözlərinə görə çox sağ ol. Şeriyyat aləmi qeyri-maddi aləmdən qaynaqlandığı üçün (ilham) əksər hallarda şair məkan və zaman kateqoriyalarından qeyri-ixtiyari uzaqlaşır (daha doğrusu şair mövcud ruhani vəziyyətində bunlara sığmır). Məsələn, böyük Azərbaycan şairi Nəsiminin---

Məndə sığar iki cahan, mən bu cahana sığmazam.

Vəya ustad Şəhriyarın --

Yatmış hamı bir ALLAH oyaqdır, dəxi bir mən,
Məndən aşağı kimsə yox, ondan da yuxarı.

Mənim bildirdiklərim sözsüz ki, poeziya ilə yaxından məşğul olan qələm ydostlarımıza yaxşı məlumdur. Digər bir məsələ ilhamın qaynaqlandığı mənbədir. Mötəbər hədislərə görə, ilhamın iki mənbəyi vardır:
1. İlahidən gələn lütv.
2. Şeytani vəsvəsə vəya təlqin.

Əziz qardaşım, sənin P.S qismində hər dəfə qeyd etdiyin -

Şeir - Allahın şairin qulağına pıçıldadığı sözlərdi.

bu baxımdan deyilənlərə ən gözəl sübutdur.

Uca ALLAH səni və səni sevənləri hifz etsin ! Sağ ol.

--------------------

Həsrət məhəbbəti çəkəndə dara,
Dünya sevincindən geyəndə qara,
ALLAHIN əmriylə hər gün Eldara,
Fələklər ah çəkər, mələklər ağlar !

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »