Ad günü məktubu

Müəllif: Rauf | 27 Sentyabr 2011 | Oxunub: 408| Yadda saxlamaq:

Artıq neçə ildir,ayrılmışıq biz,
Hələ də qəlbimdə yaşayırsan sən.
Gör neçə ad günün keçibdir mənsiz,
Bunu düşündükcə məhv oluram mən.

Sənin ad günündür bu gün,mənimsə,
Sevgimin həsrətə döndüyü gündür.
Mənə başsağlığı vermədi kimsə,
Sevgi ocağımın söndüyü gündür.

Məhz bu gün ayrıldıq illər öncəsi,
Payızın hələ ilk çağları idi.
Həmin gün,yuxusuz hicran gecəsi,
Ömrüm yana-yana şam tək əridi.

İncimək haqqın yox sənin də məndən,
Səni təbrik edə bilməyəcəm mən.
Ömrümün ən ağır günündə məndən,
Bir təbrik məktubu gözləsən də sən.

Mən səni nə üçün təbrik eləyim?
Yaxşı ki bu gündə doğulmusan sən?!
Bu gündə məhv olub arzum,diləyim,
O arzularla bir boğulmusan sən.

O vaxt gəlməsəydin dünyaya əgər,
Neçə il sonra da tanışmasaydıq,
İndi də üzməzdi məni qəm-kədər,
Bir zaman səninlə qovuşmasaydıq.

Səni xoşbext görüm,budur diləyim,
Ad günün mübarək,bağışla məni,
Dilim deyən sözü duymur ürəyim,
İstəmədən təbrik elədim səni...

27.09.2011

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: Люблю
» Növbəti əsər: Рифма дьяволу

Əsəri oxuyanlar (198)

Oxşar misralar:

20 ildir yaşamıram, məhv olmuşam mən.

Ata

Təbrik edək xanımları.

Mənim olsaydın əgər

Bu gün səni sevdiyim gündür

Resenziyalar (13)

Yazdı: Necmeddin:

27 Sentyabr 2011 12:42

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Var ol Rauf.Necə ki qəzəldə mahir ustad səviyyəsində yazırsan,şeirlərin də elədir.Oxuyanda insana hansısa hisləri yaşadan şairlərə allah ömür versin!

P.S.Bu gündə məhv olub arzum,diləyim,
O arzularla bir boğulmusan sən

--------------------

Şeir - Allahın şairin qulağına pıçıldadığı sözlərdi.

Yazdı: QABIL EDALET:

27 Sentyabr 2011 14:18

Yaşayır: .........................
Əsərlərin sayı: 78
Resenziyalar: 666
Status: Şair

QABIL EDALETE SAMIR QARA VƏ DİGƏR İŞTİRAKÇILARLA NALAYİQ SÖZLƏR YAZDIĞI ÜÇÜN 30 GÜNLÜK BAN VERİLİR.NƏTİCƏ ÇIXARTMASA BİRDƏFƏLİK PORTALDAN KƏNARLAŞDIRILACAQ.

--------------------

Qabil Ədalet

Yazdı: Rauf:

27 Sentyabr 2011 14:57

Yaşayır: Bileceri
Əsərlərin sayı: 132
Resenziyalar: 557
Status: Şair

QabilEdalet,
Başa düşdüyünçün çox sağ ol,yenə də özünüz bilən məsləhətdi.
Necmeddin,
Sən də sağ ol,qaqaş.

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Yazdı: hasimova:

27 Sentyabr 2011 16:33

Yaşayır: Bakı
Əsərlərin sayı: 132
Resenziyalar: 525
Status: Şair

çox gözəl yazılmışdır.pis deməyə heç vicdanımın haqqı çatmaz.burdakıların şer yazmaq bacarığına da qalanda hərə özünə görə yazır.şərt deyil ki şair olasan .bu bir hobbi də ola bilər(mənimçün elədir)Qabilin şerlərinə də qalanda mən zəif bilmirəm

--------------------

yazan eller var olsun

Yazdı: Rauf:

27 Sentyabr 2011 23:55

Yaşayır: Bileceri
Əsərlərin sayı: 132
Resenziyalar: 557
Status: Şair

hasimova,
Çox sağ olun,xanım,diqqətinizçün.
Amma siz məni düz başa düşməmisiz. Mən deməmişəm ki,burda şair yoxdu. Onu demək istəmişəm ki,professional şairlə həvəskar şair fərqlidir. Yəni burda proffessional azdır. Amma gözəl şeirlər çoxdur. Sizin şeirlərinizi də oxuyuram,yaxşı yazırsız,eləcə də digər yazarların əsərlərini oxuyuram. Sadəcə,heca vəzni mənim sahəm olmadığı üçün çox vaxt şərh yazmıram,yəni mənə əsas əruzda yazılan əsərlər maraqlıdır. Hamınıza uğurlar,yazıb-yaradın,inşaallah bu saytdan gələcəkdə gözəl şair(ə)lər çıxar.

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Yazdı: bayrami:

28 Sentyabr 2011 02:27

Yaşayır: --
Əsərlərin sayı: 155
Resenziyalar: 1548
Status: Şair

Allaha, peyğəmbərə, mələklərə... itaət edin, xeyr aparasınız!
Rauf, sən əruzda da, hecada da yaxşı yazırsan. Sənə valehəm, yazdıqlarını sevə-sevə oxuyuram, oxuya-oxuya sevirəm...
Konkret bu şeir haqda onu deyirəm ki, nəzmə, hekayəyə meyillik varsa da, içində poetik misralar da boldur:

Sənin ad günündür bu gün, mənimsə
Sevgimin həsrətə döndüyü gündür.
Mənə başsağlığı vermədi kimsə,
Sevgi ocağımın söndüyü gündür.

Bu 4 misra tam bir şeirdir, məna tutumlu bir bütöv əsərdir. Sənin yazdığın bu şeirin ən mənalı, poetik parçasıdır! Yaşa, qardaşım!

Yazdı: nailyasha72:

28 Sentyabr 2011 08:55

Yaşayır: Baki
Əsərlərin sayı: 91
Resenziyalar: 195
Status: Şair

üşütmə gəldi mənə, qəmlidir. İstəməzdim ki heçkimin "sevgi ocağı" sönsün
Şeir gözəl alınıb

--------------------

Nailə Şahverdi

Yazdı: jama:

28 Sentyabr 2011 10:14

Yaşayır: baku
Əsərlərin sayı: 33
Resenziyalar: 260
Status: Şair

hAMISHAKI KIMI GOZAL ,MANALI ,MARAGLI .AMMA ISTARDIM KI BIR GUN SANIN YENI SEVGI ILA ALOVLANAN ,HAYACANLI ,GORUSHE GEDENDE ALLARI ASAN SHERLERINI OXUYUM .
DAHA HICRANI BURAX GAL GAMA SAN YOX DEGINAN
AYRILIG YIXDI BIZI ,VUSALINDAN CHOX DEGINAN

Yazdı: sekineilyasqizi:

28 Sentyabr 2011 14:43

Yaşayır: bakı
Əsərlərin sayı: 72
Resenziyalar: 1183
Status: Şair

Ay şair,bu şeiriniz çoxlarının duyğularının tərcümanı ola bilər.Bir nakam sevgi heka-yətini nəql edirsiz "yağa-yağa" və payızda ayrılıq yaman olur...Səmimi,maraqlı şeirdi,bir az adi deyimlər olsa da.

Yazdı: Rauf:

1 Oktyabr 2011 14:05

Yaşayır: Bileceri
Əsərlərin sayı: 132
Resenziyalar: 557
Status: Şair

Çox sağ olun diqqətinizçün...

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »