Gəlinlik donu

Müəllif: Meherrem AGALAROGLU | 12 Oktyabr 2010 | Oxunub: 388| Yadda saxlamaq:

Ayrılıb gedirsən vəfasız gözəl,
Deyirsən gəlibdir dünyanın sonu?
Gedirsən özgəyə qəlbimin özü
Geyinib əyninə gəlinlik donu.

Şərab tək badəyə yaman dolursan,
Mənim gül bağçamdan çiçək, solursan,
Gedib özgəsinə qismət olursan
Geyinib əyninə gəlinlik donu.

Demək ki, yalanmış etdiyin vədlər,
Demək gün yoldaşım olacaq dərdlər,
Ucaldıb qarşımda çox böyük sədlər
Geyinib əyninə gəlinlik donu.

Qırıldı qəlbimin məhəbbət simi,
Möhkəmdir tikdiyin yalanın himi,
Aldatma ərini mən bədbəxt kimi
Geyinib əyninə gəlinlik donu.

De, nədən eylədin hiylə, kələyi?
Düşünür almışam saf bir mələyi,
Bilmir ki, ömrünün zalım fələyi
Geyinib əyninə gəlinlik donu.

Məhərrəm AĞALAROĞLU

Çap etmək

Əziz qonaq, lütfən qeydiyyatdan keçin.

(səs sayı: 8)

« Əvvəlki əsər: Tələsmə gözəl
» Növbəti əsər: Səni sevirəm(mahnı)

Əsəri oxuyanlar (112)

Oxşar misralar:

Tək olmasın

GÜLLÜ DON

Ə F S U S

Fərhadın əlində olan külüngü,

Boş dünyam

Resenziyalar (6)

Yazdı: sekineilyasqizi:

13 Oktyabr 2010 13:03

Yaşayır: bakı
Əsərlərin sayı: 72
Resenziyalar: 1183
Status: Şair

YAxşıdı,xoşuma gəldi.Amma bəzi yerlərə əl gəzdirsəniz,pis olmaz.
DEMƏK GÜN YOLDAŞIM OLACAQ DƏRDLƏR-DEMƏK əvəzinə ÖMÜR olsa yaxşıdı.Üçün-cü misradakı UCALDIB-UCALTDIN olmalı ki,məna uzlaşsın.Sonuncu misranın ikinci
bəndində ƏRİN,daha doğrusu,bu sözü YARLA əvəzləsəniz,yaxşı olar,çatışmır.YAR lirik
ifadədi.Nə gözəl demisiz:
BİLMİR Kİ,ÖMRÜNÜM ZALIM FƏLƏYİ
GEYİNİB ƏYNİNƏ GƏLİNLİK DONU-!!!!!!!!!!!!!!!!!!!!!!!!!!!!!!!!!!!!!!

Yazdı: Necmeddin:

13 Oktyabr 2010 13:09

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Siz bütün şeirlərinizə yenidən əl gəzdirməlisiniz xətrinizə dəyməsin sözlərim ancaq rəvanlıq və axıcılıq yoxdu

--------------------

Şeir - Allahın şairin qulağına pıçıldadığı sözlərdi.

Yazdı: bayrami:

15 Oktyabr 2010 04:06

Yaşayır: --
Əsərlərin sayı: 155
Resenziyalar: 1548
Status: Şair

Postmodrn ədəbiyyatına bir nümunədir şeriniz. Yəni şeir formaca qoşma janrında olsa da, məzmunca tamam başqa əsərdir. Bir yenilik də odur ki, hər bəndin 4-cü misrası rədif kimi götürülüb, şerə bir həzinlik gətirir.

Yazdı: atas:

15 Oktyabr 2010 15:38

Yaşayır: --
Əsərlərin sayı: 7
Resenziyalar: 5
Status: Yeni şair

bayrami,
bu sayt gözəl saytdır seirlədə cox ürəyə yatandır mən özümdə burda 3 4 seirim var..

kim sevgi haqqında gözəl seirlər oxumaq istəyir məni tapsin...............

Yazdı: yevrey:

23 Oktyabr 2010 15:11

Yaşayır: azerbaycan
Əsərlərin sayı: 0
Resenziyalar: 4
Status: Yeni şair

gelinlik paltari ezizim, don deyil

Necmeddin,
burda allahlik hecne yoxdur !!!

Yazdı: Meherrem AGALAROGLU:

23 Oktyabr 2010 15:25

Yaşayır: Bakı
Əsərlərin sayı: 56
Resenziyalar: 417
Status: Şair

yevrey,
Başa düşmədim, Necmeddin şerdə Allah adı çəkməyib. Sən nəyi nəzərdə tutursan? Açıqlama versən yaxşı olar.

--------------------

Mənim üçün SÖZ mənadır, MƏNA həyatdır, HƏYAT sevgidir, SEVGİ isə həyat kimi mənasızdır!!!

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »