MƏN, SƏN VƏ SEVGİMİZ

Bu dünyadan ayrı bir dünya quraq,
Bir mən olum, bir sən, bir də sevgimiz:
Göylər kitab olsun, buludlar varaq,
Bir mən olum, bir sən, bir də sevgimiz...
-

Şəir kimi yağsın göydən yağışlar,
Bir nur olub axsın göydən yağışlar.
Baxırsa, qoy, baxsın göydən yağışlar,
Bir mən olum, bir sən, bir də sevgimiz...
-

Yamyaş olsun üst-başımız: islansın,
Sənlə zaman uzandıqca uzansın!
Nə doysun ürək, nə də ki, usansın,
Bir mən olum, bir sən, bir də sevgimiz!..




ZAmir Erkin Agazade

Müəlliflər(4) | Qonaqlar (78)