Gözəl görünürsən

Müəllif: Rauf | 25 Yanvar 2012 | Oxunub: 197| Yadda saxlamaq:

Gözlərini belə süzmə,sən nə gözəl görünürsən,
Boş yerə çox bəzənirsən,məncə gözəl görünürsən.

Var məsəl,hər sevən üçün öz yarı könlünə xoşdur,
Gözlərimə mənim,ey gül,bəlkə gözəl görünürsən?

Nur saçır hüsnü-camalın,böylə gözəllik olarmı?
Sorma,bu gün nəcəyəm,əlbəttə gözəl görünürsən.

Qarə saçın pərişan halda üzünə töküləndə,
Ağlımı başdan alırsan,incə,gözəl görünürsən.

Ay sənin hüsnünü görcək,məyus olur göy üzündə,
Gözlər,ona deyən olsun,sən də gözəl görünürsən.

Gül üzünə gecə də,gündüz də keşik çəkərəm mən,
Heç sənə doymaq olarmı,şux və gözəl görünürsən.

Sən gözəl olduğun üçün Allaha şükr elə,çünki,
O səni böylə yaratmış,böylə gözəl görünürsən.

Məncə,gözəl gözəl olmur əhdə vefasız olunca,
Sənsə həya,arın ilə birgə gözəl görünürsən.

Kimsəyə baxmaram əsla,könlümün həmdəmi sənsən,
Gözlərinə Raufun sən təkcə gözəl görünürsən.

Çap etmək

Əziz qonaq, lütfən qeydiyyatdan keçin.

(səs sayı: 9)

« Əvvəlki əsər: Deyilem
» Növbəti əsər: Gecə

Əsəri oxuyanlar (78)

Oxşar misralar:

Məni, məndən alan gözəl.

Yazdı: Axundi:

25 Yanvar 2012 13:23

Yaşayır: Bakı
Əsərlərin sayı: 105
Resenziyalar: 604
Status: Şair

Rauf qardaş, qəribədir ki sənin qəzəllərində fərqli bir tərz var sanki, yəni özünəməxsus bir forma, üslub var, oxuyunca insanın daxilində ritmik bir aura yaranır elə bil, bilmirəm fikrimi çatdıra bilirəm yoxsa yox, amma mən çox az qəzəlləri oxuduqda, bununla bərabər, sanki həzin bir müsiqi də eşidə bilirəm, hətta bəzi, ən görkəmli qəzəlxanlarımızın bəzi qəzəlləri bu cəhətdən istisnadır.

Allah təbinə qüvvət versin!

Yazdı: Necmeddin:

25 Yanvar 2012 14:34

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Sən gözəl olduğun üçün Allaha şükr elə,çünki,
O səni böylə yaratmış,böylə gözəl görünürsən.

QIZILXANSAN QIZILXAN

--------------------

Şeir - Allahın şairin qulağına pıçıldadığı sözlərdi.

Yazdı: jama:

25 Yanvar 2012 15:27

Yaşayır: baku
Əsərlərin sayı: 33
Resenziyalar: 260
Status: Şair

HER KESE SALAM ..RAUF , her defe adam oxuyub yazanda ki ela yazmisan ... adileshir bu ela , amma her defe oxuyub gorende ki evvelkilerden de ela yazmisan - sadece BRAVO demek galir adama .. Halal olsun ..Yaz !!!!!!!!!!!!!!!!!!!!!!!!!!!

Yazdı: Rufat:

26 Yanvar 2012 01:24

Yaşayır: Bakı
Əsərlərin sayı: 16
Resenziyalar: 85
Status: Şair

Sağol Rauf! Yaxşı yazmısan. Uğurlar!

--------------------

Sən məni axtarıb tapmırsan indi,
Atanda baxardın hara atırsan!

Yazdı: angel15:

26 Yanvar 2012 01:56

Yaşayır: Bakı
Əsərlərin sayı: 40
Resenziyalar: 325
Status: Şair

Təbii ki hərə üçün öz sevdiyi gözəldiir.Allah sizi heç zaman ayırmasın.Amin.

--------------------

Şairlərdir əsl həkim ,
Dərman deyib , şer verir .
Vay o xəstənin halına ki ,
Şer deyil nağıl sevir .

Yazdı: Rauf:

26 Yanvar 2012 12:31

Yaşayır: Bileceri
Əsərlərin sayı: 132
Resenziyalar: 557
Status: Şair

Təşəkkür edirəm hər birinizə,çox sağ olun ki hər dəfə oxuyub qiymət verirsiz..

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Yazdı: Mustanger:

27 Yanvar 2012 02:52

Yaşayır: Baki
Əsərlərin sayı: 0
Resenziyalar: 52
Status: Yeni şair

Rauf bey Qezel yazmaq istedad teleb edir,benzetme ve tewbehlerden gozel istifade etmisniz oxucu kimi cox beyendim...Tebrikler...

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »