Allah, oldum yenə bir, ahu gözün heyranı,
Ləbləri aldı canım, verdi ölüm fərmanı.
Səsi bir ney səsidir, sanki gəlir cənnətdən,
Onun min dərdimə bir kəlməsidir, dərmanı.
Gətidi fəsli-bahar, yox eylədi hər qəmimi,
Qorxuram, tutsam əlin, mən unudam dünyanı.
Gəzirdim, eşq çölündə, Leyli tək Məcnunumu,
Aldı əqlim, bu dəfə verdi mənə Sən`anı.
Qamətin, gül nəfəsin , gözəldir gülüstandan,
Neynirəm ətri-gülü, yasəməni, reyhanı.
Dolanır fikri başımda, eləyir zülmü mənə,
Gözümdə tayı tapılmaz, gəzəsən hər yanı.
Qurban etmə Rəhimlini, ey əlləri qanlı fələk,
Olacamsa , qoy olum öz yarımın qurbanı.
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (2)
