Övladi-bəşər,qıl nəzər,əfsus,dünyadə itir həqqi-ədalət,
Vicdanə verilmir əhəmiyyət,yoxdur kişilikdən bir əlamət.
Puldur kişilik rəmzi,ay Allah,mümkündür ola hamıda hərgah,
Hər kim ki kasıbdır,ona vallah,rişxəndlə baxır varlı cəmahət.
Nakəs bunu dərk eyləmir ancaq,öldükdə girər torpağa çılpaq,
Pul-parə götürməz qara torpaq,insandır ona eyləyən adət.
Pulla doğulur aləmə insan,pulla tapır hər dərdinə dərman,
Toy etməyə də pul verir imkan,pulla olunur dəfni nəhayət.
Kimsə düşünürmü bunu düzgün,dünyası edər tərk onu bir gün,
Cismi olacaq torpağa sürgün,yalnız qalacaq ruhu səlamət.
Bir gün yetişər imtahan anı,Allah ayırar yaxşı,yamanı,
Cənnət olar üqbadə məkanı,hər kim ki edər Haqqa ibadət.
Allahə sığın,eylə itaət,göstər,Rauf,imanə sədaqət,
Bir gün gələcək ruzi-qiyamət,sən çəkməyəsən onda xəcalət.
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (4)
