Ey yar,məni tərk eyləyib atdın,halal olsun,
Getdin məni əğyarə ki satdın,halal olsun.
Sevgim daşa dəydi,həyatım tarimar oldu,
Əhsən sənə,öz arzuna çatdın,halal olsun.
Qəlbimdə olan sevgini məhv eylədiyinçün,
Axır,özünə nifrət oyatdın,halal olsun.
Qalmış hələ də əllərinin istisi məndə,
Bir özgə kəsə sən əl uzatdın,halal olsun.
Ayrıldığımız gün gecə mən yatmadım,ancaq,
Vicdansız adam,sən necə yatdın? Halal olsun.
Əğyar da xəyanətvi sənin eylədi ibrət,
Atdı səni,qəm-qüssəyə batdın,halal olsun.
Gör bir,Rauf,öz ömrünü kimçün bada verdin,
Hə gün gecəni gündüzə qatdın,halal olsun.
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (3)
