Gecədən sübhə qədər

Müəllif: Rauf | 8 Aprel 2011 | Oxunub: 260| Yadda saxlamaq:

Çəkirəm qüssə-kədər mən gecədən sübhə qədər,
Yar olursan mənə ruhən gecədən sübhə qədər.

O qədər fikr edirəm ki,yuxu getmir gözümə,
Mənə tənhalıq olur tən gecədən sübhə qədər.

Bu fikirlərlə cavan ömrümü məhv eyləyirəm,
Qara saçlarə düşür dən gecədən sübhə qədər.

Doğulur hər gecə qəlbimdə təzə arzularım,
Puç olur hər biri erkən gecədən sübhə qədər.

Məni tək başə düşən göydəki tənha Aydır,
Bölürəm dərdimi bəzən gecədən sübhə qədər.

Nə qədər cəhd edirəm nikbin olum,gəl ki yenə,
Qəm salır qəlbidə məskən gecədən sübhə qədər.

Allah insaf verə,bir gün Raufa rəhm edəsən,
Ona həmdəm olasan sən gecədən sübhə qədər.

Bəhr: Rəməl
Təfilə: FəilAtün fəilAtün fəilAtün fəilün.

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: İmansızlıq
» Növbəti əsər: Я не стану твоей.

Əsəri oxuyanlar (93)

Oxşar misralar:

Boşa yazdın

Qəzəl (31 Heca)

Nə qədər tab eləsin...

Qəzəl (Qoşa Qafiyə)

Mənim olsaydın əgər

Resenziyalar (6)

Yazdı: tornado1962:

9 Aprel 2011 08:47

Yaşayır: Bakı,
Əsərlərin sayı: 159
Resenziyalar: 593
Status: Şair

Əladır Rauf afərin, bunları təzə yazmısan ya əvəl yazdıqlarında bura qoyursan,

--------------------

Ya Rəbb, mənə öz lütfünü cənnətdə əta et,
Cənnətdə sənin, cənnətə dəvət də sənindir!

Yazdı: Rauf:

9 Aprel 2011 08:50

Yaşayır: Bileceri
Əsərlərin sayı: 132
Resenziyalar: 557
Status: Şair

Çox sağ ol,təzədi bunlar.

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Yazdı: tornado1962:

9 Aprel 2011 08:56

Yaşayır: Bakı,
Əsərlərin sayı: 159
Resenziyalar: 593
Status: Şair

Təzə barqaq suyu daha sərin olur, afərin Rauf! Bu əruz vəznini qaldırmısan burda göylərə, davam elə biz də səndən öyrənək!

--------------------

Ya Rəbb, mənə öz lütfünü cənnətdə əta et,
Cənnətdə sənin, cənnətə dəvət də sənindir!

Yazdı: bayrami:

9 Aprel 2011 10:20

Yaşayır: --
Əsərlərin sayı: 155
Resenziyalar: 1548
Status: Şair

Allahu cəlli-cəlaluhu...
Rauf, bu FƏİLATUN... rəməl bəhrindədir.Oynaq təfilədir.Ləngərlə gəlir.
Oxudum, ləzzət elədi. Portala təzə gələnlərin "qəzəllərinə" baxıram, sənin qədr-qiymətin nəzərlərimizdə qalxır ərşi-əlaya.
Yaz, qardaşım,Allah sənə yar olsun!
P.S.
Axırda bəhri, təfiləni göstərməyi unutma ha!

Yazdı: sekineilyasqizi:

9 Aprel 2011 12:26

Yaşayır: bakı
Əsərlərin sayı: 72
Resenziyalar: 1183
Status: Şair

Bayrami bəy demişkən,oynaq təfilədə yazmısız bu qəzəli.Rəvan,şirin dili var.Roman-tik şeirdi,Allah o qıza insaf versin.

Yazdı: Rauf:

11 Aprel 2011 20:13

Yaşayır: Bileceri
Əsərlərin sayı: 132
Resenziyalar: 557
Status: Şair

tornado1962,
bayrami,
sekineilyasqizi,

Allah razı olsun hamınızdan...

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »