Yanimda qal

Müəllif: Meherrem AGALAROGLU | 25 Noyabr 2010 | Oxunub: 356| Yadda saxlamaq:

Unutmusan dostu, yarı,
Vəfa eylə sən yada sal.
Özgələrdən sorma məni
Zəhmət çəkib gəl xəbər al.

Gen gəzərək, kənar durma,
Maral kimi boyun burma
Küsüb deyə xəyal qurma
Ürəyimdə qalmayıb xal

Mən özgənin, Sən özgənin,
Kədər bizim, şən özgənin,
Dağlar bizim, çən özgənin
Dumanınla yanımda qal.

Məhərrəm AĞALAROĞLU

Çap etmək

Əziz qonaq, lütfən qeydiyyatdan keçin.

(səs sayı: 4)

« Əvvəlki əsər: Naməlum əsgər
» Növbəti əsər: Oyan Gözlərim...

Əsəri oxuyanlar (111)

Oxşar misralar:

Olma sevgilim

"Yanımda ol sən"

Uşaqlar

Sən yanımda olmayanda (Qəzəl)

Gəlmə

Resenziyalar (7)

Yazdı: ELDAR:

25 Noyabr 2010 20:35

Yaşayır: Bakı şəhəri
Əsərlərin sayı: 117
Resenziyalar: 435
Status: Şair

Salam Meherrem AGALAROGLU. Səmimi hisslərlə yazmısan. Uğurlar.

--------------------

Həsrət məhəbbəti çəkəndə dara,
Dünya sevincindən geyəndə qara,
ALLAHIN əmriylə hər gün Eldara,
Fələklər ah çəkər, mələklər ağlar !

Yazdı: bayrami:

26 Noyabr 2010 09:45

Yaşayır: --
Əsərlərin sayı: 155
Resenziyalar: 1548
Status: Şair

Hörmətli Aşiq! Gəl bu qədər eqoist olma. Niyə, hansı keyfiyyətlərinə görə o yar səni yada salsın, xəbər alsın, sən yox? Təkəbbürlük məhəbbəti çürüdür!
Yada salma vəfalılıq deyil, peşmanlıq da deyil, yaşanmış hisslərin təcəssümüdür.Vəfalılıq odur ki, səni atıb getməyəydi. Atıbsa, yada salmaq "ÜZR BƏDTƏR ƏZ GÜNAH" kimi bir şeydir.
Gedəni saxlamağa dəyməz!
Gedibsə, dalınca ağlamağa dəyməz!

Yazdı: Meherrem AGALAROGLU:

26 Noyabr 2010 18:09

Yaşayır: Bakı
Əsərlərin sayı: 56
Resenziyalar: 417
Status: Şair

Təşəkkür edirəmELDAR bəy, dəyərli vaxtınızı ayırırım şerimi oxuduğunuz üçün.

bayrami,
portalın ən savadlı tənqidçilərindən birisiniz. Sizin bu tənqidinizi şerin uğuru kimi qəbul edə bilərəmmi?

--------------------

Mənim üçün SÖZ mənadır, MƏNA həyatdır, HƏYAT sevgidir, SEVGİ isə həyat kimi mənasızdır!!!

Yazdı: Necmeddin:

27 Noyabr 2010 17:15

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

MƏhərrəm uğurlar arzu edirəm.Bəli uğurlu hesab etmək olar.

--------------------

Şeir - Allahın şairin qulağına pıçıldadığı sözlərdi.

Yazdı: Meherrem AGALAROGLU:

27 Noyabr 2010 17:25

Yaşayır: Bakı
Əsərlərin sayı: 56
Resenziyalar: 417
Status: Şair

Necmeddin,
Təşəkkür edirəm. Nəhayət ki, bir şerim dəyərli tənqidçilərin əlindən "uğurlu hesab etmək olar" ifadəsi ilə çıxa bildi.

Necmeddin,
Sonuncu şerimdir. fərqi dəyərləndirin.

--------------------

Mənim üçün SÖZ mənadır, MƏNA həyatdır, HƏYAT sevgidir, SEVGİ isə həyat kimi mənasızdır!!!

Yazdı: Necmeddin:

28 Noyabr 2010 09:28

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Mənim gözüm üstdə.

1.Əvvəlki şeirlərində artıq sözlər çox idi.Məsələn bir,bil ,gəl kimi heca düzəltmək üçün şeirin ahəngi ilə uyğunlaşmayan sözlər olurdu.
2.Bəzən mənə və fikir yığcamlığı olmurdu.Eyni fikir butün bəndlərdə təkrar olunurdu.
3.Poetik tapıntı az olurdu.Olanlar da bu səhvlərin kölgəsində qalırdı və.s.

İndi isə artıq püxtələşmiş yazıya rast gəldim.Ona görə uğurlu hesab edirəm.

P.S.Yaxşı bilirsən ki,bütün şeirlərini ilk dərc olunduğun gündən oxuyuram.Və inkişafını görürəm.Uğurlar sənə.

--------------------

Şeir - Allahın şairin qulağına pıçıldadığı sözlərdi.

Yazdı: Meherrem AGALAROGLU:

13 Dekabr 2010 19:39

Yaşayır: Bakı
Əsərlərin sayı: 56
Resenziyalar: 417
Status: Şair

Necmeddin,
Xatırlayıram, bir dəfə şerimə yazılan rezensiyalara cavab olaraq bildirmişdim ki, bunlar mənim ilk şerlərimdir və dəyişməyə əlim gəlmir. Dərc etməyimə səbəb kimi də onu göstərmişdim ki, bir insanın hansı səviyyədən hansı səviyyəyə çatdığını görmək üçün nümunə olsun.

Təşəkkür edirəm qiymətinə görə.

--------------------

Mənim üçün SÖZ mənadır, MƏNA həyatdır, HƏYAT sevgidir, SEVGİ isə həyat kimi mənasızdır!!!

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »