Keçdi

Müəllif: sekineilyasqizi | 3 Sentyabr 2010 | Oxunub: 262| Yadda saxlamaq:

Ay igidlər,ay ərənlər,
Gədəqızlar bəyə keçdi...
Xanım oldu qapda qalan,
Pəncərədən öyə keçdi.

Sərraf olan göz oxudu:
İrsiz qanqal gül qoxudu;
Arğac düz,yanlış toxudu-
Ələ kirkit,hüyə keçdi.

Yaxşı-yaman bilənməyən,
Gözün zığın silənməyən,
Eşşək arpası bölməyən
İş başına yiyə keçdi.

Könül. bundan,de,nə qandın,
Nəyi dedin,nəyi dandın;
Hər cürə oduna yandın,
Pis yanında nəyə keçdi?..

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: Daşdama(cığalı təcnis)
» Növbəti əsər: TOYUQDU BU

Əsəri oxuyanlar (61)

Oxşar misralar:

Ömürdən bir gün də.........

Sənin gözlərin

Dünya

Bayatılar

Dünya dəyməz göz yaşına

Resenziyalar (4)

Yazdı: bayrami:

3 Sentyabr 2010 15:52

Yaşayır: --
Əsərlərin sayı: 152
Resenziyalar: 1474
Status: Şair

Açması?
- Gədəqızlar(?) bəyə keçdi.

- İrsiz (?)qanqal gül qoxudu.

-Arğac düz, yanlış toxudu-
Ələ kirkit(?), hüyə(?) keçdi.

Bu gəraylıda etnos məişətimizə, qədim peşə- sənətimizə aid işarələr var. Xahiş edirəm, qısaca da olsa. açmasını yaz.
P.S.
Xalq hikməti xəzinəsindən yaxşı bəhrələnibsən. Əhsən!

Yazdı: sekineilyasqizi:

3 Sentyabr 2010 18:59

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun.Gədəqız- bizim zonada-qorxaq,aciz kişilərə deyilir,bir növ həm gədədi,həm
qız-bəy oldular.İrsiz də şivədi.Arsız-irsiz,arsız-pirsiz kimi də deyilir.Biz,dəli-dolu demi-
rikmi,bu da onun kimi, qüvvətləndirici rolunu oynayır.Bir də türklərdə hırsız (oğru)sözü var,o da ola bilər.Sonuncular toxuculuq sənətinə aiddi.Arğac-əriş-arğac Toxuculuq dəzgahına standart dolanmış ağ iplərdi,üstündə xalça,kilim toxunur.Kirkit-
lə hüyəsə dişli taxta alətlərdi,bunlarla toxunulur.Biri kiçikdi,biri bir qədər böyük.Ola
bilsin,arxaik sözlər olduğu üçün mənasını yaxşı anlada bilmədim.

Yazdı: Necmeddin:

19 Oktyabr 2010 12:58

Yaşayır: --
Əsərlərin sayı: 50
Resenziyalar: 2248
Status: İlin şairi - 2011

Ay afərin belə yazıya sizdə aşıq yaradıcılığına meyh var bu əladır

--------------------

Şeir - Allahın şairin qulağına pıçıldadığı sözlərdi.

Yazdı: sekineilyasqizi:

1 Noyabr 2010 18:07

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun,rəyinizə görə,hörmətli Nəcməddin bəy.Sevinirəm ki,aşıq yaradıcılığına belə
hörmətiniz var.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Fevral 2012 »