AŞIQ SƏNƏTİ VƏ NEMƏT QASIMLI HAQQINDA

"Əsl sənətkarın,əsl şairin,
Özü qocalsa da sözü qocalmır".
Əsrlər boyu dahilər,sənətkarlar,ustadlar yetirən Azərbaycan xalqı sənət tarixinə silinməz izlər qoymuşdur.Elə buna görə də bizim sənət tariximiz zəngin,tükənməz bir xəzinəyə bənzəyir.O tarixi yazan ustadlarımız isə həmin xəzinənin ləli,cəvahiridir.
Aşıq sənətinin də sənət xəzinəmiz də xüsusi bir yeri vardır.
Bu tarixi bizim görkəmli,tanınmış ustadlarımız yaratmışdır.
Aşıq Alı,Ələsgər,Allahverdi,Xəstə Qasım,Abbas Tufarqanlı kimi və başqa ustadlarımız yaratmışdır.
Biz bilirik ki,aşıq sənətinin bir neзə mühiti vardır.Bunlara misal Göyçə mühiti,Təbriz mühiti,Şirvan mühiti,Borçalı mühiti.
Bu mühitlər vahid aşıq sənətini əmələ gətirsə də hər bir mühitin öz ustadları,öz sənətkarları olmuşdur.Hər mühit öz gözəlliyi ilə aşıq sənətini daha da möhtəşəmləşdirmişdir..
Müasir dövrümüz də ustadlarımızın yadigar qoyduğu bu əsrarəngiz sənətin davamçıları,bu sənətin yükünü öz çiyinlərində daşıyan aşıqlarımız az deyil.
Belə aşıqlarımızdan biri də Gədəbəy elinin yetirməsi,sənəti layiqincə yaşadan,sevdirən və dünyanın hər yerində təbliğ edən Nemət Qasımlıdır.Əvvala bir єeyi qeyd edim ki,Gədəbəy eli öz ustad aşıqları,şairləri,elm adamları,ziyalıları ilə çox məєhurdur.Gədəbəydə Aşıq Dəmir Gədəbəyli,Seyfəddin,Zahid Aslanoğlu,İsfəndiyar Rüstəmov,Səyyad Pənahov kimi ustad aşıqlar var.
"Soruşdun hardanam Şirinxaloğlu,
Ömrümün binası Gədəbəydədi.
Anamın boynuma dolanan qolu,
Yuxumun laylası Gədəbəydədi"
deyən İlyas Tapdıq Gədəbəyin yetirdiyi böyük şairlərdən biridir.
Sadaladığım aşıqların davamçılarından biri də müasir dövrümüzün ustad aşığı Nemət Qasımlıdır.Aşıq Nemət öz sənətiylə sənətə yeni bir ruh,yeni bir nəfəs gətirmişdir.İlk öncə onu qeyd edim ki,Nemət Qasımlı Gədəbəy rayonunun Kiçikqaramurad kəndində anadan olmuşdur.Lakin kiçik bir rayonda anadan olmasına baxmayaraq bütün Azərbaycanın,bütün türk dünyasının fəxrinə çevrilmişdir.
Əvvala onun aşıq sənətinə verdiyi töhvələrdən,göstərdiyi xidmətlərdən bəhs etmək göstərəcək ki,doğrudan da sənət var,sənətkar var.Nemət Qasımlı Azərbaycanda ilk dəfə saz sinifinin açılmasına təşəbbüs göstərmişdir.Qara Qarayev adına 8 nömrəli məktəbdə saz sinifi açılmışdır.Bundan əlavə bir sıra beynalxalq müsabiqələrin laureatı olaraq sazı bir daha ucaltmışdır.
Mən sizə bir şeyi qeyd edim ki,aşıq sənətinin YUSENCO-ya qəbul olunmasının ilk mərhələsin də,yəni praktiki olaraq sazın dünyaya tanıdılması ilə əlaqədar aşıqların Fransa səfəri olmuşdur.Bu səfərdə olan aşıqlardan biri Nemət Qasımlı olmuşdur.Öz möhtəşəm ifası ilə bütün xarici tamaşaçısını saza heyran qoymuşdur.
Zirvəsi görünməz dağlarsan,nəsən,
Açılmaz möcüzə,sirsən,ay ustad.
Sənətin Tanrının əmanətidi,
Ocaqsan,qibləsən,pirsən,ay ustad.

Könüllər oxşayır sözün,söhbətin,
Səndən uzaq olsun dərd,bəla,зətin.
Dilqəmin canını üzür həsrətin,
Gözdən yaş çıxaran ilsən,ay ustad.

Bəndi dərk olana neyləsin ki,sel,
Sazından danışır hər oba,hər el.
Adınla səslənir "Orta sarıtel",
Bu sənət yolunda birsən,ay ustad.

Cisminə ruh verdin çox cansızların,
Könlünü yumşaltdın amansızların.
Canına od saldın fransızların,
Qarşısı alınmaz selsən,ay ustad.
Məhz bu şeir də Fransa səfərindən sonra yaranmışdır.Bu şeirin yaranmasını vadar edən səbəb Nemət müəllimin möhtəşəm ifası idi.Hər insandan aşıq olsa da ustad ola bilməz.Əlbəttə ki,ustadlıq,hər aşığa nəsib olmur.Bəlkə də belə demək olar ki,Tanrının istəkli bir bəndəsi kimi ,Nemət Qasımlıya həm gözəl sənət,həm də hər kəsə verilməyən ustadlıq nəsib olmuşdur.
Elmi,mərifəti,ədəb,ərkanı,
Səndən öyrənmiєəm,səndən,ay,ustad.
Xalqa məhəbbəti,elə hörməti,
Səndən öyrənmiєəm,səndən,ay,ustad.

Daim bahar olsun ömrünün bağı,
Dostun üzü gülsün,kor olsun yağı.
Başıdik gəzməyi,mərd yaşamağı,
Səndən öyrənmiєəm,səndən,ay,ustad.

Elvin,əməlini etmə xəlvəti,
Yaşat,öyrən,öyrət,sevdir sənəti.
Kiçiyə diqqəti,böyüyə hörməti,
Səndən öyrənmiєən,səndən,ay,ustad.
Əsl aşıq,əsl ustad odur ki,ondan sonra yerində sənətini yaşadacaq birini vəyaxuda da birilərini qoysun.Nemət müəllim də allahın xoşbəxt bəndələrindən biridir ki,yerində yüzlərlə şəyirdlər qoymuşdur.Neçə illər keçsə də heç vaxt belə ustadlar yaddan çıxmayacaq,nə qədər sənət var onlarda yaşayacaqdır.Əlbəttə ki,əsl sənət mükafatsız qalmaz.Dövlətimizin aşıq sənətinə olan qayğısı əlbəttə ki,əvəzolunmazdır.Heydər Əliyev fondunun prezidenti,Yunesconun,İsesconun xoşməramlı səfiri,millət vəkili Mehriban xanımın aşıq sənətinə olan qayğısı və aşıq sənətinə etdiyi xidmətlər əvəzolunmazdır.
Dövlətimiz əsl sənətkarlara daim hörmət bəsləyir və qayğısına qalır.Əsl sənət mükafatsız qalmaz deyiblər.Və belə də oldu.
Azərbaycan respublikasının prezidenti cənab İlham Əliyevin sərəncamı ilə Nemət Qasımlıya "ƏMƏKDAR MƏDƏNİYYƏT İŞÇİSİ" fəxri adı verilmişdir.
Mən də öz adımdan və ustadın bütün şəyirdlərinin adından bu fəxri ad münasibətilə ustadımızı ürəkdən təbrik edirik.Ona can sağlığı,yeni-yeni yaradıcılıq uğurları və həyatda xoєbəxtlik arzulayırıq..!
Elvin Mehmanlı

Müəlliflər(4) | Qonaqlar (205)