Yatacam

Bəsdir oyat deyib , etdin dünyamı dar , yatacam
Çəkilib ərşə yuxun , mənim yuxum var , yatacam

**************************************************************
Mənə Sabir baba etmiş , o zamandan vəsiyyət
Yat demiş , kal oyanıb vermə özünə əziyyət
Yatanı oyatmamağı o , edibdir vəsiyyət
Çıxma o kişiyə dönük olarsan xar , yatacam
Çəkilib ərşə yuxun , mənim yuxum var , yatacam
*************************************************************
Nə zamandan biz müsəlmana yatmaqda haramdı?
Deyirsən dur , bizdən sonra yatanlarda oyandı
A kişi , mən ölüm dəymə yatım , dəymə amandı
Eşitmirəm səsini , olmuşam kar , yatacam
Çəkilib ərşə yuxun , mənim yuxum var , yatacam

***************************************************************
Deyirsən ki , oyaqdı qonşun yatmır bir ona bax
Deyirsən , aşkardı ona hər gizli sirr ona bax
Siyasətdə qarışqanı eyləyir fil , ona bax
Etsin bildiyini mənə nə , olub lal yatacam
Çəkilib ərşə yuxun , mənim yuxum var , yatacam

***************************************************************
Olar iki gözdən kim el üçün ağlasa , qardaş
Mənə fərq etməz , olum doğmaya bil yada , yoldaş
Çəkəcəm üstümə yorğan , atacam yasdığa baş
Usanmayıb zərrə qədər etməyib ar, yatacam
Çəkilib ərşə yuxun , mənim yuxum var , yatacam

************************************************************
Dinmirəm mən sənə , sənsə çıxarırsan ağını
Millət , millət deyib , gözümə soxma barmağını
Boş – boş danışıbsən dəxi dəng etmə qulağımı
Yorma özünü etməz sözün mənə kar , yatacam
Çəkilib ərşə yuxun , mənim yuxum var , yatacam

**************************************************************
Oyanmaq bilmirik , biz müsalman bil ki , yatanda
Bizdən əvvəl iki əsr yatmış babam , atam da
Nə oldu ki , yasaq oldu yatmaq bizə çatanda
Nəsilliklə olub biz də belə bir azar , yatacam
Çəkilib ərşə yuxun , mənim yuxum var , yatacam

***************************************************************
Düşüb əsarətə parçalanıb Vətən , mənə nə?
Axır millətin qanı , axsın etmirəm qəm , mənə nə?
Qoy var olsun canım , başım bu millətdən mənə nə?
Məni qatma millətin dərdinə sən qal, yatacam
Çəkilib ərşə yuxun , mənim yuxum var , yatacam
************************************************************
Nə zamandandır millət deyib , yorursan başını
Görürsən , yatıb tapdığım on beş qardaşımı
Dəyişim bir millətə necə , on beş sirdaşımı?
Dəxi bundan sonra gizli deyil aşikar , yatacam
Çəkilib ərşə yuxun , mənim yuxum var , yatacam

*************************************************************
Oyanıb sən nə tapdın ki , oyanım mən nə tapım?
Qalıb millətin qeydinə ,yuxuma harammı qatım?
Olsun millətdə sənin , dərddə sənin , dəymə yatım
Oyatma məni eyləmə yuxumu kal , yatacam
Nəsilliklə olub biz də , belə bir azar, yatacam
Çəkilib ərşə yuxun , mənim yuxum var , yatacam

Müəlliflər(6) | Qonaqlar (31)