İnsanlarıq

Müəllif: mezahir | 4 Fevral 2012 | Oxunub: 98| Yadda saxlamaq:

Mirzə, içi qiybət , böhtan dolu fitnələrik biz
Görüb əməlimizi çaşıb, həm mat qalıb iblis
Qəlbimizə hakim olub şər , böhtan bir də ki , pis
Bizləri biz de, bəs nə zaman görəsən anlarıq
Söhbəti qiybət , sözü də şər dolu insanlarıq

*************************************************************
Olub qul pula , vara , şöhrətə insanlığımız
Olub sahib kinə , həm nifrətə insanlığımız
Başlayıbdı iblisə xidmətə insanlığımız
Çıxmışıq insanlıqdan , insan yeyən yamyamlarıq
Söhbəti qiybət , sözü də şər dolu insanlarıq

*************************************************************
Qiybətlə qarışqanı böyüdüb eyləyərik fil
O qədər boş boğazıq ki , saxlamır hulqumumuz sirr
Danışır şəri , böhtanı danışmır , doğrunu dil
Düzü deyən hər kəsi təhqir edər , danlarıq
Söhbəti qiybət , sözü də şər dolu insanlarıq

*************************************************************
Kim bizə atsa sümük, biz ona quyruq bularıq
Əmr etsə qapısında keşik çəkər , ularıq
Düşərik önünə yolu süpürərik , sularıq
Düzü əyri , əyrisi əyri , əyri vicdanlarıq
Söhbəti qiybət , sözü də şər dolu insanlarıq
*********************************************
Üzə gülüb , arxada min fitnə fəsat qurarıq
Dostu ,düşməni fürsət düşdükdə arxadan vurarıq
Xəyanət var olan yerdə iblisdən öndə varıq
Bir – birimizin adına şər , böhtan ünvanlarıq
Söhbəti qiybət , sözü də şər dolu insanlarıq

********************************************************
Millətlər edir elmi , hünəri ilə tərəqqi
Edir zəhmətiylə , alnının təri ilə tərəqqi
Müsalman edir böhtanı , şəri ilə tərəqqi
Biz də , belə tərəqqiyə fədayı qurbanlarıq
Söhbəti qiybət , sözü də şər dolu insanlarıq

*********************************************************
Siyasətdən danışırıq güya nəsə bilirik
Kamil , elimli insanlara qəh - qəh çəkib gülürük
Çobanın iti kimi dörd bir tərəfə hürürük
Bir illik beçə kimi vaxtlı – vaxtsız hey banlarıq
Söhbəti qiybət , sözü də şər dolu insanlarıq

********************************************************
Biz önə keçənə nəfis atar , nəzər edərik
Tamahı sonsuz, nəfsi , gözü , ac bədnəzərik
Dua ,cadı , fal baxdırmaq üçün molla gəzərik
Biz belə inamı , imanı pak müsəlmanlarıq
Söhbəti qiybət , sözü də şər dolu insanlarıq

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: Yatacam
» Növbəti əsər: Sevgi şairi [yazı]

Əsəri oxuyanlar (38)

Oxşar misralar:

Ruslan Novres - 10.09.2011

Ziyafət Eminli Sirlə dolu olan dünya. 04. 03. 2005

Adsız şer

Tənha gedərək qoşa, Tale ilə baş başa.

neden

Resenziyalar (4)

Yazdı: bayrami:

5 Fevral 2012 15:14

Yaşayır: --
Əsərlərin sayı: 155
Resenziyalar: 1548
Status: Şair

Lap ləzzət elədi. Mirzə Ələkbər Sabirin ruhu şad olar!
"saxlamır ulqumumuz sirr" ( hulqum)
"Bir illik beçə kimi (???) vaxtlı-vaxtsız hey banlarıq" ( xoruzdu ki?)

Yazdı: Aygun Rehimli:

5 Fevral 2012 15:28

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

Biz belə inamı , imanı pak müsəlmanlarıq
Söhbəti qiybət , sözü də şər dolu insanlarıq!!!

lap düzgün tapmısız, Məzahir bəy..bundan gözəl bənzətmə ola da, bilməz.
əllərinizə sağlıq.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: Biri:

5 Fevral 2012 15:55

Yaşayır: --
Əsərlərin sayı: 35
Resenziyalar: 175
Status: Şair

Salam, Məzahir. inanırdım ki nə vaxtsa bu cür Sabiranə mövzularla da portala müraciət edəcəksiniz. Bu mövzular həmişə aktualdır. Çox sağ olun.
Yalnız kiçik bir qeyd. Cadu yazdırmaq, fala baxdırmaq üçün mollanı kim axtarır? Yəqin onun yalnız adı molladır.

Yazdı: mezahir:

6 Fevral 2012 23:44

Yaşayır: Qebele
Əsərlərin sayı: 39
Resenziyalar: 33
Status: Şair

Her üçünüzə də fikir bildirdiyiniz və söylədiyiniz xoş sözlərə görə minnətdaram .
Bayrami bəy beçə yeni - yeni banlamağa can atan cücəyə deyirlər . sabir öz şeyirində bu sözü çox işlədib

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »