Mən demişəm, sən də de.

Tükənməzdir məhəbbətin sevdası
Sağalmayır heç vaxt sözün yarası
Nəyə lazım dünya malı, parası?
Dünya fani, mən demişəm, sən də de.

Dağlar uca ormanları yaşılsa,
Gözəlləri görsə, könül alışsa,
Vüsal üçün əgər bu can çarpışsa,
Bəlkə çata, mən demişəm, sən də de.

Uysa əgər könül fələk felinə,
Ya nakəsin şirin şəkər dilinə,
Düşəcəksə insan yalan selinə,
Batacaqdır, mən demişəm, sən də de.

Xəyanətin min adı var, əməl bir,
Xain kimdir, söyləginən birbəbir,
Bu dünyada bizə qalan tək səbir,
Ya allahım, mən demişəm, sən də de.

Bağ bağçanda gül çiçəklər bitirsə,
Dost sirdaşı il ötdükcə itirsə,
Payız çagı ağac yarpaq tökürsə,
Ömür solar, mən demişəm, sən də de.

Bel bağlama biilqara, nadana,
Sən sadiq ol öz sevdalı yarına,
Uyma insan bu dünyanın malına,
Köçəcəksən, mən demişəm, sən də de.

Dost sirdaşım ətrafımda yox artıq,
Sədaqədən satlıq mallar yaratdıq,
Insan idik, insanlıqdan utandıq,
Nədən oldu? mən demişəm, sən də de.

Sən ucasan ucalığı görən yox,
Gözlər kordur zəri görər ,dağı yox
Zaman belə, bağbanların bağı yox,
Bağ dağ olur, mən demişəm sən də de.

Can rahatsa, ruhsa əzab çəkirsə,
Fələk bütün ümüdləri kəsirsə,
Səfər bir gün bu zamana dəyişsə,
Inanmazam, mən demişəm, sən də de.

Müəlliflər(9) | Qonaqlar (35)