OGULLARA

Arzun qanad açsın kam al həyatdan,
Uzaq ol kədərdən qəmdən fəsaddan,
Tanrı uzaq etsin səni sualdan,
Nə edim? bəs niyə? nə üçün?ogul

Uzun ömr eylə, ucadan uca,
Yüzü keç desinlər bir pirdi qoca,
Fələklə döyüşü apar ustaca,
Nakəslər önündə əyilmə ogul

Mənalı bir ömür yaşa həyatda,
Qoy paxıllıq etsin sənə həyat da,
Elə iz qoyginən bu kainatda,
Desinlər nəslinə nişandı ogul.

Göylərin sədası yerdə əks olur,
Bəzən arzularla əməl tərs olur,
Həyatda yaşamaq bəhsə bəhs olur,
Bu bəhsi həmişə udasan ogul.

Indi bir söz deyim incidən incə,
Hər kəsdə olmalı elm düşüncə,
Arzular karvanı ötüb keçincə,
Ömür badəsini qurutma ogul.

Dəryaya tor atsan tutmasan balıq,
Demək belə yazmış o uca xalıq,
Bilki bu dünyada beş gün qonagıq,
Beşində insan tək yaşa sən ogul.

Səfərəm qəlbimdə söz saxlamaram,
Odunu yandırsam köz saxlamaram,
Namərd sifətində üz axtarmaram,
El oba içində üz saxla ogul.

Müəlliflər(8) | Qonaqlar (29)