Q.N.Əliyevin əziz xatirəsinə (bir parça)
Nə yaxşı cahanda yaxşılar varmış !
Saflar şərə qənim, xeyirə yarmış !
Dünya, bu insanlar nə bəxtiyarmış,
Qoynunda Qulamtək ərlər yaşarmış!
İdeal adamdı şəxsiyyətilə,
Hamıya ibrətdi ləyaqətilə,
Mehriban rəftarı, hərəkətilə,
Xeyirxah işləri, səxavətilə !
Oxşardı payızı bahar yerinə,
Bir gün qoydu bizi naçar yerinə,
Asdı vüqarını dağlar yerinə,
İşlə vidalaşdı həmkar yerinə.
Qərib yerdə xəstə yatan həmkara
"Dar günüdür"- deyib yollardı para.
İsti yuva edib dost - tanışlara
Evi döndərərdi toya - mağara...
Əyilməz, alçalmaz, xırdalanmazdı,
Qıraqda, bucaqda qurdalanmazdı,
Artıqla, haramla qidalanmazdı,
Kölgədə, qoltuqda daldalanmazdı..
Dərs otağı ona döyüş meydanı,
Hər dərsi kamil bir vuruş planı !
Hər tələbə əsgər, söz qəhrəmanı !
Özü bir sərkərdə, söz atamanı !..
 Çap etmək
|
Müəllif: 
Shop.az
Ödənişli xidmətlər
Sənət dostlarım
Resenziyalar (0)
