KÖRPƏ PƏRVANƏYƏ

Müəllif: SEVİNC | 29 Noyabr 2010 | Oxunub: 427| Yadda saxlamaq:

Ayrlıb yuxudan körpə qızcığaz.,
Sarışın saçları od-alov saçar.
Sanki oyanmışdır kiçik quşcığaz,
Şirin xəyallarla qol-qanad açar.

Bir anlıq duruxdu.O.röyasını
Hələ təzə-təzə yadına salır.
Qavramır hələ də bal dünyasını,
Xırdaca səhnələr yadında qalır.

Dünən itirdiyi oyuncağını,
Turanda görmüşdü deyəsən axı.
Görmüşdü lap təzə,yaxşı çağını,
Qapısın eh,necə döyəsən axı.

Qaçdı nənəsinin yanına tezcə,
Axı o dovşanı nənə almışdı.
Dovşanın qulağın kəsib üzüncə,
Nənədən o,neçə tənə almışdı.

Girdi nənəsinin bağ otağına,
Günahkar uşaq tək dayanıb durdu.
Nənə dirsəklənib ağ yatağına,
“Nə olub,ay gülüm”-deyərək sordu.

“Mənim dovşanımı Turan götürüb”-,
Pərvanə hirs ilə hökmünü verdi.
Sonra da gizlicə evə ötürüb,
Ora dovşanımın itdiyi yerdir.

Nənə gülümsədi,basdı bağrına
Adını verdiyi ilk nəvəsini.
“Necə məlhəm oldun ürək ağrıma,
Səninlə alıram mən nəfəsimi.

Aldada bilmərəm mən səni ,quzum,
Sənin o dovşanın bil ki məndədir.
Mənim azalmayan çörəyim,ruzum
Sənin oyuncağın əmin əldədir.

Yaman incidirsən sən o dovşanı,
Ağızı,qulağı yerində deyil.
Yeyə də bilmirdi kökü,yovşanı
O sala bilməz ki küsdüyünə meyl.

Onu düzəltmişəm,hamarlamışam,
Necə gözəlləşib göyçək olubdur.
Başını neçə yol tumarlamışam,
Deyəsən yuxun da gerçək olubdur.

Əgər sən incitsən bir də dovşanı,
Mən onu verəcəm,Turan oynasın.
Necə var saxlayıb nəmin-nişanın,
Açarın ehmalca buran oynasın.”

Tez dedi Pərvanə,-”Nənə,ay nənə,
Daha incitmərəm dovşanı inan.
Nə olar,onu ver yenıdən mənə,
Onsuz darıxıram tək-tənha yaman” .

Nənə boz dovşanı ona uzatdı,
Sevincdən Pərişin gözləri güldü.
Oyuncaq qəlbinin qəmin azaltdı,
Masmavi səmadan güllər töküldü.

Çap etmək

Əziz qonaq, lütfən qeydiyyatdan keçin.

(səs sayı: 1)

« Əvvəlki əsər: Бог тебе судья...
» Növbəti əsər: VÜSALIN

Əsəri oxuyanlar (137)

Oxşar misralar:

Anamın ad günü

NƏNƏ, NAĞIL DANIŞ.

Açmasını yazın,əzizlərim.

Dovşan və tülkü

Sənsiz yaman darıxmışam.

Resenziyalar (8)

Yazdı: sekineilyasqizi:

29 Noyabr 2010 11:34

Yaşayır: bakı
Əsərlərin sayı: 72
Resenziyalar: 1183
Status: Şair

Maraqlı,dili yüyrək,uşaqlar üçün tərbiyəvi xarakter daşıyacaq mənayüklü lirik əsərdir.
Bizlərə belə ideyalı bədii əsərlər də çox lazımdı,az yazılır.Bəzən cümlələr düz qurulmur.
Məsələn,TƏNƏ ALMIŞDI,OYUNCAQ QƏLBİNİN QƏMİN AZALTDI.Birinci bənddə SAÇAR,
AÇAR-indiki zamanda olmalı.Konkret yazmağa çalışın.Uğurlar.

Yazdı: Meherrem AGALAROGLU:

29 Noyabr 2010 19:11

Yaşayır: Bakı
Əsərlərin sayı: 56
Resenziyalar: 417
Status: Şair

Sevinc xanım, sekineilyasqizi ilə razıyamki, məna yükü çox olan gözəl şerdir. Sənə də təşəkkür düşür ki, körpələri yada salmısan. Ancaq incimə şerin bir neçə bəndi var ki, misrasında azxıcılıq itib.

Məsələn,
Yaman incidirsən sən o dovşanı,
Ağızı,qulağı yerində deyil.
Yeyə də bilmirdi kökü,yovşanı
O sala bilməz ki küsdüyünə meyl.
sonuncu misraya diqqət et.

“Mənim dovşanımı Turan götürüb”-,
Pərvanə hirs ilə hökmünü verdi.
Sonra da gizlicə evə ötürüb,
Ora dovşanımın itdiyi yerdir.
bu məndəisə sonuncu misrada məna anlaşılmır.

--------------------

Mənim üçün SÖZ mənadır, MƏNA həyatdır, HƏYAT sevgidir, SEVGİ isə həyat kimi mənasızdır!!!

Yazdı: bayrami:

30 Noyabr 2010 00:01

Yaşayır: --
Əsərlərin sayı: 155
Resenziyalar: 1548
Status: Şair

Süjeti, personajları, fabulası olan kişik poemadır. Çox gözəl də ideyası və ibrətli sonluğu var. Bu cəhətdən şeir-poemanın tərbiyəvi əhəmiyyəti böyükdür.

Yazdı: SEVİNC:

30 Noyabr 2010 04:52

Yaşayır: --
Əsərlərin sayı: 70
Resenziyalar: 112
Status: Şair

Salam.Sözün düzü gözləməzdim ki belə yaxşı qarşılanar.Uşaqları çox sevirəm.Bu şeiri də xəyali nəvəmə yazmışam. Səkinə xanım,Tənə almaq.yəni danlanmaqdır.Oyuncağına yenidən qovuşan uşağın qəlbinin qəmi azalır,sevinir.Məhərrəm bəy,incidildiyi üçün dovşan Pərvanəyə meyl salmır.
Ora dovşanımın itdiyi yerdir-O ev dovşanımın itdiyi yerdir.ola bilər.sadəcə bir sözü iki dəfə işlətmək istəmədim.
Sizə təşəkkürlər....

Yazdı: Necmeddin:

30 Noyabr 2010 07:11

Yaşayır: --
Əsərlərin sayı: 61
Resenziyalar: 2480
Status: İlin şairi - 2011

Xoşum gəlmir deyilmiş tərifləri təkrarlamağa ancaq deyə bilərəm ki,dostlarımın saydığı müsbətliklərlə razıyam.

P.S.Allah sizə öz nəvənizə şeir həsr etməyi qismət eləsin.

--------------------

Şeir - Allahın şairin qulağına pıçıldadığı sözlərdi.

Yazdı: Elmar Shahmar:

4 Fevral 2011 19:13

Yaşayır: --
Əsərlərin sayı: 8
Resenziyalar: 189
Status: Şair

men de beyendim,ama biraz yumwaq, yumorlu wekilde yazilsaydi lap maraqli olardi,ugurlar

Yazdı: SAIR_57:

18 Fevral 2011 20:44

Yaşayır: --
Əsərlərin sayı: 11
Resenziyalar: 40
Status: Şair

maraqli idi Usaqlar ucun esl bir seirdir...sair57...

Yazdı: Seadet:

12 May 2011 21:29

Yaşayır: Bakı
Əsərlərin sayı: 4
Resenziyalar: 30
Status: Şair

ÇOOOOOOOOOOOOOOOOOX BƏYƏNDİM.TƏŞƏKKÜRLƏR .........................

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« May 2012 »