Baxışından qorxuram

Əzizinəm belədi
Tale elə belədi
Sinəmdə daglar durub
Gözdə isə gilədi

Qaranquşa söyməyin,
Qanadına dəyməyin.
Sizə qarğış eyləyər,
Yuvasına dəyməyin.

Əzizinəm oboyalar,
Boy göstərər boyalar,
Rəsssma ləzzət verir,
Tanrı çəkən boyalar.

Göyün üzü dumandı,
Yastıq mənə hayandı.
Dərdimi suya dedim,
Su da, alışdı yandı.

Oyanmaz yatan dağlar,
Sinəmi düşmən dağlar,
Məm ölsəm qürbət eldə,
Qəbrim üstə kim ağlar.

Əzizim sulu dağlar,
uludan ulu dağlar.
vətənə gedən yolu,
Düşmənlər yaman bağlar.

Mən aşiq,dilim-dilim,
Dorandım,dilim-dilim.
Qarabağ dedi,yandı,
Yurd üçün,elsiz elim.

Əzizim,yaşım axdı.
Ağladım,yaşım axdı.
Vətən harda,mən harda,
Bu necə yaşamaqdı?!

Əzizim, düz olmuşam,
Düzdən də düz olmuşam.
Yanaraq atəşinə,
İndi də köz olmuşam.

Bəlkə də belə yaxşı.
Tək gəzsəm daha yaxşı.
Sevib ayrılmaqdansa,
Sevməsəm daha yaxşı.

Mən aşiq dərd edərdim,
Qarışdı dərdə dərdim.
İstədim gülab çəkəm
Gül soldu, dərdi dərdim.

Aşiqəm mən sözünə,

Əzizinəm bağda gəz,
Aranda yox, dağda gəz,
Mən dünyadan köçəndə,
Qarada yox, ağda gəz.

Əzizinəm, gözlədin...
Yolumu çox gözlədin.
Dillə demə sözünü,
Gözlə danış, gözlə din!

Əzizim, qala bizə,
Arxadır qala bizə.
Əvvəlini görmədik-
Axırı qala bizə.