Saytda artıq 2818 müəllif qeydiyyatdan keçib və 5470 əsər dərc olunub.
Dərc olunan əsərlərə 20830 resenziya yazılıb.
Sizi də qeydiyyatdan keçib əsərlərinizi dərc etməyə
dəvət edirik!
"Məşhur əsərlər" siyahısına əsərlər oxunmaların və resenziyaların sayına görə, həmçinin əsərin reytinqinə əsasən daxil olur. Siyahıya yalnız son bir həftə ərzində dərc olunan əsərlər daxil ola bilər. Əsəri qaldırmaq xidmətindən istifadə olunduqda şeir əlavə 7 gün siyahıda yer tuta bilər.
Müəllif: Axundi | 20 Fevral 2012 | Oxunub: 171| Yadda saxlamaq:
Saatın zəngi...
Bugün nədənsə gözlərimi açanda ətrafımda həmişəkindən nikbin bir təəssurat yarandı. Pəncərəmdən gözümə zillənən günəş şualarında da sanki bugün bir qəribəlik var idi...Bir cəhdlə qalxdım yatağımdan. Güzgünün önünə keçdim...üzümə baxdım...dağılmış saçlarıma ehmalca əl gəzdirdim. Birdən güzgüdən dolabın üstündə toz basmış fotoaparatım gözümə sataşdı...götürdüm, tozunu aldım (bir müddət sığallayıb, əzizlədim hətta) və qərar verdim ki, bugün işimi (həmişə istifadə etdiyim fotoaparatla deyil) bu aparatla "yola verəcəyəm"...
...soyuq bir duş...səhər yeməyi...
Düşdüm həyətə, biraz var-gəl etdim...yola düzəldim...yolum qəbristanın yanından düşüncə içəri keçib, əvvəllər qonşuluğumda yaşayan mehriban, nurani bir qocanın qəbrini ziyarət etdim...
...dəqiqələr necə də amansız keçir, artıq şər qarışır, axşam olur, yenə həmişəki peşəm üzrə toy məclisi üçün fotoaparatımı tənzimləyirəm...Məclis başladı...yenə bu səslər!!! Çəngəl və bıçaqların qab-qacaqlarla təmasda yaratdığı cingiltinin boğduğu zəif insan səsləri...qulaqlarımın pərdələrində həbs olunan eyni musiqi sədaları...Budur, bəylə gəlin salona daxil olur, izdiham alqışlamaqda, mənsə elə kor-korana şəkillər çəkməkdə, aman Allah! Bugün mənə nə olub görəsən?! Əlim əsir, mən ki bu işin peşəkarıyam...Nəisə...özümü ələ almalıyam...
Toyun yaxşı vaxtıdır, kimi yeyib-içməkdə, kimi deyib-gülməkdə, kimi oynamaqda...mən də nəhayət bayaqdan bəri əsiri olduğum həyəcanımı boğub sərbəstliyimi qaytardım, şükür! Nədənsə, bugün həmişəkindən fərqli olaraq hamı (şəkil çəkdirməyə) məni səsləyir stolunun başına. Pis deyil, bugünə qazancım yaxşı olacaq deyəsən...
Toyun sonu yaxınlaşır, hamı yorulub, indi ara-sıra "eyyy fotoqraf!" səslərini eşidib səs gələn tərəfə qaçıram...
Son dəqiqələr...kimsə mənə yaxınlaşıb dedi ki, bəylə gəlin şəkil çəkdirmək üçün səni çağırırlar...Duruxdum, toy başlayandan bəri mən hələ bəy-gəlin masasına tərəf getməmişəm. (axı o tərəfdə çəkilən şəkillərə görə "zəhmət haqqı" daha yüksək olur)...qaçaraq getdim, vaxt itirmədən, aparatı bəylə gəlinə tuşladım, aman Allah! Görüntüdə nələr görürəm?! Bu xanımın gözləri necə də tanış!!! Bu "O"dur! O da məni tanıdı deyəsən, onun baxışları ştativdən elə sürətlə keçib gözlərimə daxil olur ki...o mənə nə demək istəyir hə? Susmuş dodaqlarını yeyərək, parlaq gözləri ilə danışır sanki mənimlə...Dayan dayan! O mənə "Ad günün mübarək!"mi dedi? İlahi, axı bugün mənim adgünümdür...Aha, deyəsən başqa nəsə də demək istəyir... O (parlaq gözlərini dilə gətirərək): "Qəşəng fotoaparatın var, sağlığına qismət, aha bahalı markadı, görünür işinə hörmətlə yanaşanlardansan, bu aparatın tarixçəsini danış mənə"... Mən (fotoaparatımın arxasında gizlənən gözlərimlə dillənərək): "Hə, əzizim...Bugün mənim yox, bu aparatın adgünüdür, 3 yaşı tamam olur, sən hədiyyə etmişdin, yadındamı? İlk şəklimizi də qonşumuzda yaşayan qoca çəkmişdi, onun əlləri əsdi şəklimizi çəkəndə, amma sənin bu bahalı hədiyyən hər şeyə rəğmən keyfiyyətli bir görüntü bəxş etdi bizə...elə mənə qalan da bu oldu...Bu səhər fotoaparatımı əlimə alanda işimi həmişəkindən fərqli "yola verəcək"-deyə düşünmüşdüm, düşünməmişdim ki, aydın bir sabahdan ayrılıb, zülmət bir gecənin nəzarətiylə səni "yola salacaq"...
Biranlıq sükut...
O: Offf nə olar o düyməni bas, üzmə daha məni... Mən: Xoşbəxt ol, əzizim! O: Adgünün mübarək, əzizim!
Yaşayır: Baki
Əsərlərin sayı: 31
Resenziyalar: 632
Status: Şair
Bu səhər fotoaparatımı əlimə alanda işimi həmişəkindən fərqli "yola verəcək"-deyə düşünmüşdüm, düşünməmişdim ki, aydın bir sabahdan ayrılıb, zülmət bir gecənin nəzarətiylə səni "yola salacaq"...
Elvir, nəsr də çox gözəl alınıb. Əhsən! Oxudum və oxuduqlarım sanki gözümün önündə canlandı. Uğurlar!
P.S Sadəcə, bir iradım var. Bəlkə "toparlanmalıyam" sözünü dəyişəsən? Çünki sən özün də öz sözlərimizə çox diqqət edirsən, hətta işlənməyən sözlərimizi şeirlərində işlətməyə çalışırsan. Düşünürəm ki, bu sözü də öz sözümüz ilə əvəz edə bilərsən.
Yaşayır: Bakı
Əsərlərin sayı: 105
Resenziyalar: 604
Status: Şair
İlhamə təşəkkür edirəm, düzü mən bunu "Facebook"a yerləşdirəndə bir nəfər də məhz o sözü dəyişməyi məsləhət bildi, düşündüm ki, araşdırıb bu sözün bizim dilimizdə həqiqətən də olub-olmamasını dəqiqləşdirəndən sonra ("özümü ələ almalıyam" ilə) dəyişməyə qərar verim, nədənsə sonradan heç yadıma da düşmədi, indi sən dedin yadıma düşdü, əgər həqiqətən də dilimizə xas olan söz deyilsə dəyişmək labüddür, xatırlatdığın üçün minnətdaram!
Yaşayır: Baki
Əsərlərin sayı: 31
Resenziyalar: 632
Status: Şair
Buyur, Elvir. Öz sözlərimizə xüsusi diqqət etdiyini bilirəm. Yenidən oxudum, elə kövrəldim ki... Fotoqrafın və gəlinin vəziyyətini təsəvvür edirəm. Çox gözəl yazmısan, çox təsir etdi mənə.
Yaşayır: Bakı
Əsərlərin sayı: 105
Resenziyalar: 604
Status: Şair
Bu mövzunu zəncirvari davam etdirmişəm əslində, bir qolu da var,onu da yerləşdirərəm, hətta daha öncələr bura yerləşdirdiyim "Əlimdə bir şəkil var" adlı şeir də bunun davamı idi bir növ. P.S. Əslində "off, ah, vay" və s. kimi sözləri yazıda işlətməyi xoşlamıram, heç onları da qeyd edən deyildim, sadəcə təsvir yaratmaq üçün hələlik başqa üsul tapa bilmədim düzü, zamanla qaydasına salaram.
Yaşayır: Baki
Əsərlərin sayı: 31
Resenziyalar: 632
Status: Şair
İnşallah yerləşdirərsən. Nə üçün? Bu nidaların da öz yeri var. Qəhrəmanın hissləri olduğu kimi verilib, biz də elə oxuyuruq. Belə olanda daha təsirli olur.
Müəllif: 
Shop.az
Ödənişli xidmətlər
Sənət dostlarım
Çap etmək
Resenziyalar (9)
