NECƏ DƏ

Bəzən yada sallam xatirələri,
Uşaqlıq illəri, gənclik illəri,
İtirdik nələri, tapdıq nələri,
Əsrdən əsrə düşdük necə də,
illər, ömrümüzdən keçir necə də.

Hər kəsin qəlbində min arzu dilək,
Hər kəsin qəlbində döyünən ürək,
Yaxşının qədrini sag ikən bilək,
Sonra deməyək ki, getdi necə də,
illər ömrümüzdən keçir necə də.

Bizik dünyanın kiçik zərrəsi,
Zülmət, kainatın qara pərdəsi,
Mugamın çahargah ya şikəstəsi
Səslənsə..., qəlbləri oxşar necə də,
Ruhum xəyallrda gəzər necə də

Hər işin fəhləsi ya da ustası,
Nə bərk gedən xoşbəxt, nə də astası,
Bu fani dünyada sözün qısası,
Ömürümüz heç olub, keçir necə də,
İllər, ömrümüzdən keçir necə də

Dünyanın sirrini axı bilən kim,
Təzə can verərmi insana həkim,
Həyat bir möcüzə, həyat bir tilsim,
Külək heç olsa da , əsir necə də.
İllər, ömrümüzdən keçir necə də.

Ömrün yollarında qar görünəndə,
Uca dag başını duman sürəndə
Bəzən inciyib ,günəş də, küsəndə
Buludlar göz yaşın tökər necə də
illər ömrümüzdən keçir necə də

Nə xoşdur bir bulaq başında olmaq
Bir qoca palıdla yan yana durmaq
ormanında gəzmək nübarın dadmaq,
Təbiət... rəsmini çəkir necə də.
illər ömrümüzdən keçir necə də

Dünyanın gövhəri insandı insan
əbədi qalacaq qurub yaradan
poladdan olsada qılıncla qalxan
qələm var, qılıncı kəsir necə də.
illər ömrümüzdən keçir necə də

Dünya eşq üstündə tutubdur qərar
Sevginin gücünü sevənlər anlar
Kiminki könlündə tanrı eşqi var
Yaxşılıq toxumun, səpər necə də
İllər ömrümüzdən keçir necə də

Tikanda, sevilir qızılgül ilə,
Gəlinlər bəzənir bəyaz tül ilə,
Bəzən bircə kəlmə, şirin dil ilə,
Zəhər dönüb olur, şəkər necə də,
İllər ömrümüzdən keçir necə də.

Yeni il hər kəsə ugur gətirsin,
Arzular dalınca arzu yetirsin,
Hər zaman, hər kəsçün, daim deyilsin,
Arzu niyyətinə çatır, necə də,
Sevinclə ömrünü sürür necə də.

Gün o gün olsun ki. yetişsin məqam
Deyək ki, tam bütöv Azərbaycanam
Azad nəfəs alsın hər yurdum obam
Ruhum dönüb olur şeir necə də
Arzular yetişir kama necə də.

Vəfasız olsa da bu dünya əgər,
Bir ömür sürməyə, bu dünya dəyər,
Sanmayın, bu şeri yazıbdı Səfər,
İlham pərisiydi, coşdu necədə,
Son sözün deməmiş, küsdü necə də.

Müəlliflər(9) | Qonaqlar (38)