Nə gözəl yaraşır adım adına

Müəllif: elvin mehmanli | 23 Fevral 2012 | Oxunub: 148| Yadda saxlamaq:

Düşdüm məhəbbətdən tora dünyada,
Bərabər qərq olduq nura dünyada.
Sağ ikən qoyulduq gora dünyada,
Vədəsiz ayrılıq yetdi kamına,
Nə gözəl yaraşır adım adına.

Gözündən süzülən yaş olmalıydım,
Kipriklərin üstə qaş olmalıydım.
Axı yollarında daş olmalıydım,
İndi yetəmmərəm darda yanına,
Nə gözəl yaraşır adım adına.

Mən bağban deyiləm gülünü dərəm,
Eşqinçün dünyada candan keçərəm.
Vəfasız deyilsən səni bilirəm,
Hərdən ikimizi gətir yadına,
Nə gözəl yaraşır adım adına.

Dolub yağış kimi başıma yağsan,
Mən onda bilirəm yanımda varsan.
Sənki,olanına qane olansan,
Şükr et yazılan alın yazına,
Nə gözəl yaraşır adım adına.

Gözüm gözəlləşir görəndə səni,
Unutmaz heç zaman sevən-sevəni.
Hər yaddan,özgədən soruşma məni,
Axtarsan Elvini gəl ünvanına,
Nə gözəl yaraşır adım adına.

Çap etmək

Əziz qonaq, lütfən qeydiyyatdan keçin.

(səs sayı: 1)

« Əvvəlki əsər: BAHAR HAVASIYLA
» Növbəti əsər: Sözləri

Əsəri oxuyanlar (60)

Oxşar misralar:

Yazdı: Saxavat:

23 Fevral 2012 10:06

Yaşayır: --
Əsərlərin sayı: 286
Resenziyalar: 948
Status: Şair

Adın adına yaraşar-?
Səni eşitcək yar aşar.
Durub canıva daraşar,
Sonra da aləm qarışar...
Ay elvin ehtiyatlı ol,..
Yazanda da savadlı ol!

Qafiyələr yerindəmi,
Bir-birındən yarındımı?
Bəzək sevir yar əndami.
Heca var səni qandımı?
Piyadə gəzmə atlı ol,
Yazanda ehtiyatlı ol!..
--------------------------
Adın ada yaraşmağı sevgidə şərt deyil, əksinə: İNSAN-ŞEYTAN necədi?
Hecaya da, qafiyələrə də əl gəzdir. UĞURLAR!!!

Yazdı: Shemsi:

23 Fevral 2012 11:21

Yaşayır: Bakı
Əsərlərin sayı: 85
Resenziyalar: 535
Status: Şair - moderator

Əladır Elvin bəy. Amma şükr et ifadəsini şükr elə ilə əvəz etsən daha şükrü şükür kimi tələffüz etməyə ehtiyac qalmaz. Əllərinə sağlıq!

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Yazdı: QABIL EDALET:

23 Fevral 2012 13:29

Yaşayır: .........................
Əsərlərin sayı: 78
Resenziyalar: 666
Status: Şair

Uğur səninlə olsun!

QABİL ƏDALƏT

--------------------

Qabil Ədalet

Yazdı: hasimova:

23 Fevral 2012 15:05

Yaşayır: Bakı
Əsərlərin sayı: 132
Resenziyalar: 525
Status: Şair

əladır elvin qardaşım çox gözəl yazmısız siz həyatda çox gözəl şeylərə layiqsiz

--------------------

yazan eller var olsun

Yazdı: sheh:

23 Fevral 2012 19:25

Yaşayır: bakı
Əsərlərin sayı: 13
Resenziyalar: 82
Status: Şair

maraqlı şeirdir.əla........................................

Yazdı: Aygun Rehimli:

23 Fevral 2012 21:43

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

Elvin, gözəl fikirlərin var.bir fikir də mən deyim.hər bəndin sonuna fikir ver, son cümlə gözəldor.ondan öncəki cümlənin mənası həsrəti tərənnüm edir, ama adının adına yaraşması bir sevgi etirafı kimi oxunur.bəlkə, gözəl yaraşırdı adın adıma olsun?
bu mənim fikrimdir.yenə də, sən bilən məsləhətdir.

uğurlar.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: sefer:

23 Fevral 2012 22:53

Yaşayır: Baki
Əsərlərin sayı: 168
Resenziyalar: 1072
Status: Şair

Bəyəndim Elvin tanrı da səni bəyənsin.

Daha böyük uğurlara can at

Yazdı: elvin mehmanli:

24 Fevral 2012 01:23

Yaşayır: baki
Əsərlərin sayı: 117
Resenziyalar: 474
Status: Şair

yazan əlləriniz var olsun.mənim yazdıqlarıma dəyər verib fikir bildirdiyinizə görə minnətdaram

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Fevral 2012 »