Dönmə geri...

Kaş, bu vəziyyətdə olanlar gülməyi bacaraydı və başqalarının onun halına gülməsinə imkan verməyəydi...
--------------------------------

YAXŞIDI. SAĞ OL!

Axşamın xeyir, gözəl! Şeirin məzmun və mənası əladır və əla da yazıbsan, bəzi istisnalarla. O da texnikanın hələlik cilalanmamasından irəli gəlir. Fikirləşirəm ki, bəzi sözləri başqa cür də demək olardı. istəyirsənsə bəzi redaktələr edim. Xoşun gəlsə qəbul edərsən. Ümumiyyətlə, lar-lər-yəni cəm şəkilçilərindən şeirdə az işlətsən faydası olar. 3-cü bəndin ilk iki misrası ilə son misralar təzadlıdır.

Bağlanıbdır əlim-qolum
Dumanlıdır sağım, solum.
Ayrı yoldur mənim yolum
Get bir daha dönmə geri...


Biləmmədim nə inaddır,
Gülüşlərin qəlbə yaddır,
Yadda qalan təkcə addır,
Get bir daha dönmə geri...

Gözlərim baxmaz gözünə
İnanmaram hər sözünə,
Həsrət qalsam da üzünə
Get bir daha dönmə geri...

Olanları yada salsam
Ürəyimi oda salsam.
Bir ümmanda ada qalsam,
Get bir daha dönmə geri...

Dərdi təkcə bölsəm belə,
Öz halıma gülsəm belə.
Həsrətindən ölsəm belə
Get bir daha dönmə geri...

Rəylərinizə görə hər birinizə minnətdaram! Şəmsi bəy, sizin yazdığınız da çox uğurludur. Rəyinizə də hörmətlə yanaşıram. Amma -lar, -lər şəkilçisini lazım olanda istifadə etməliyik, çünki göz 1 dənə deyil ki, 2 gözümüz var. Buna görə də cəmdə olması mütləqdir. Bu şeirə gəlincə isə, qəhrəmanım bu deyilənləri özünə və sevdiyinə aid etsə də, ürəyində deyir, dilinə gətirmir...

çox gözəldir.allah heç vaxt heç kəsi tək qoymasın dərd verməsin hamının üzü gülsün

İlhamə qızım, əlbəttə ki, cəm olan cəmdir. mən bunu inkar etmirəm. Amma imkan daxilində deyirəm. Məsələn gözlər baxır gözlərinə kimidə bir ağırlıq var. Ona görə birini təkdə işlətmək daha yaxşı olur məncə. Axıcılıq olur o, mənada deyirəm.
Əlbəttə ki, sevən bunu ürəyində deyir. belə hisslər ani olur. sonra isə....
Əlinə, dilinə, ruhuna sağlıq! Hər bir halda sən ruhunla, varlığınla poetik qızsan və bu yolda sənə uğurlar diləmək bizim borcumuzdur. Allah köməyin olsun!

Yaxşıdır, amma Şəmsi bəy tamamilə haqlıdır, (bəzən "sadəcə içimdəki hissləri, duyğuları izhar etdim" desək belə) bu şeirdir, səninlə bərabər hər bir oxucuya məxsusdur, oxucunu heyrətləndirmək üçün ən vacib amil şeirin axıcılığıdır, bunu unutma, bəzən heca sayının belə fərqinə varmadan heyran olduğun şeir nümunəsi sırf axıcılığına görə səni cəlb edir.
Bu şeirində şeiriyyat qaydaları tam yerindədir, sadəcə Şəmsi bəyin də dediyi kimi oxucu əziyyət çəkir, dilə yatmağı, rəvan səslənməsi zəifdir. Məsələn: "Bağlanıbdır əl-qolumuz"la "Bağlanıbdır əlim-qolum" arasında məna cəhətdən heç bir fərq yoxdur, amma ikinci halda daha gözəl səslənir. Sadəcə bu nüanslara fikir ver, qalan hər şey səndə qaydasındadır, uğur olsun!

Sağ ol Axundi! Əslində biz də bu yolu keçmişik. Gənc yaşlarımda yazdıq1larıma baxanda heyrətə gəlirəm. Misralardakı ağırlıq məni sıxır. Amma zaman öz işini görüb. Artıq o problem yoxdur. Həqiqətən də ilhamənin ruhu çox incə bir poetik duyğularla köklənib. Özü də mövzuları maraqlıdır. Həm də İlhamə özünə qarşı tələbkardır. Məni də cəlb eləyən bu xüsusiyyətidir. İnşaallah İlhamə yetkin çşair olacaqdır.

Maraqlı diskusyadır.Şəmsi bəy yenə də DOĞRU FİKİRLƏRİ və təcrübəsi ilə dəyəri məsləhətlət verib.

İLaska Əgər bir şeir tənqid edilirsə deməli məqsədinə nail olmusan.

Bir iki xırda para sözüm var düzəltmək və düzəltməmək öz işindir.

Həsrət qalsam da üzünə

Həsrətindən ölsəm belə

Bunlar ikisi də bir fikirdir.İkisi də həsrətə söykənir.Birində həsrət sözünü dəyiş ya dərd,ya yoxluq elə ki təkarar fikir olmasın.


P.S,Saydıqlarım şeirə kölgə salmır.Sadəcə biraz daha şirinləşdirəcək

Mənim üçün dəyərli olan rəylərinizə görə Hasimova, Şəmsi bəy, Elvir, Necmeddin bey, hər birinizə təşəkkür edirəm! Tənqiddən qaçmıram mən, hamısını da qəbul edirəm. 1-ci bənddə qəhrəmanım ürəyində danışsa da sevdiyinə bir növ müraciət edir. Axıcılığa görə deyirsiniz başa düşürəm, amma təkcə "məşuqənin" əli, qolu bağlı deyil axı, "aşiqin" də əli, qolu bağlıdır. 1-ci bənd hər iki nəfərə aid olduğu üçün belə yazılıb. Amma şeirə əl gəzdirəcəyimə söz verirəm.

P.S Məslətinizlə yanaşı xoş sözləriniz üçün də minnətdaram! Sizlərdən belə sözlər eşitmək mənə stimul verir...