Yar gələcək bir azdan

Müəllif: Rauf | 8 Fevral 2012 | Oxunub: 140| Yadda saxlamaq:

Gözləyirəm,sevgili-dildar gələcək bir azdan,
Könlümə sultan o gözəl yar gələcək bir azdan.

Şaxtalı bir qış günü,tir-tir əsirəm soyuqdan,
Göy üzü artıq tutulub,qar gələcək bir azdan.

Sanki bizim bu görüşə razı deyil təbiət,
Bəlkə də heç,əsməsə rüzgar,gələcək bir azdan.

Get-gedə səbrim daralır,harda qalıb ki gəlmir?
Gəlməsə,dünya da mənə dar gələcək bir azdan.

Gözləyərəm mən yenə,tufan belə qopsa,çünki,
Zülfü siyah,hüsnü füsunkar gələcək bir azdan.

Qəlbin həyacan dolu şiddətli döyüntüsündən,
Hiss edirəm,yari-vəfadar gələcək bir azdan.

Gözləməyin getməz hədər,gözlə,Rauf,darıxma,
Çox da kədərlənmə,ümid var,gələcək bir azdan.

Çap etmək

Əziz qonaq, lütfən qeydiyyatdan keçin.

(səs sayı: 5)

« Əvvəlki əsər: Zamanın dayandığı yer
» Növbəti əsər: Sənsiz...

Əsəri oxuyanlar (58)

Oxşar misralar:

QIŞ GƏLƏCƏK..............

Tale nağılları

Keçmişə qayıdaq, gələcək quraq.

Sahibisən

Nəyimə gərək?!

Resenziyalar (11)

Yazdı: Samir Qara:

8 Fevral 2012 14:58

Yaşayır: özümdən uzaqlarda mənimə yaxın bir yerdə
Əsərlərin sayı: 43
Resenziyalar: 882
Status: Azad yazar

Oxxxay gozel...Ehsen...Berekallah...

--------------------

Mənim yazdıqlarım şeir deyil...Ürək sözlərim və ağrılardı...

Yazdı: rena61:

8 Fevral 2012 15:14

Yaşayır: bakı
Əsərlərin sayı: 0
Resenziyalar: 26
Status: Yeni şair

Əhsə Rauf bəy! Şeir belə olar. Gözəldir. Hər bir mizan, ölçü də yerində. Aygün xanım bu şeirləri oxusa yaxşı olar. Çox yazmaq yox, keyfiyyətli yazmaq lazımdır.

Yazdı: Samir Qara:

8 Fevral 2012 15:16

Yaşayır: özümdən uzaqlarda mənimə yaxın bir yerdə
Əsərlərin sayı: 43
Resenziyalar: 882
Status: Azad yazar

Qezeldi...

--------------------

Mənim yazdıqlarım şeir deyil...Ürək sözlərim və ağrılardı...

Yazdı: ilashka:

8 Fevral 2012 15:43

Yaşayır: Baki
Əsərlərin sayı: 31
Resenziyalar: 632
Status: Şair

Gözləyirəm,sevgili-dildar gələcək bir azdan,
Könlümə SULTAN o gözəl yar gələcək bir azdan.

Cox beyendim. Axiciligi da ela, menasi da ela, qafiyeleri de ela... Ugurlar!

Eger bu seiri heqiqeten de beyenmisizse bes ne ucun qiymetlendirib xal vermirsiz, hormetli portal uzvleri?

Yazdı: Aygun Rehimli:

8 Fevral 2012 19:04

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

RAUF BƏY, ƏLLƏRİNİZƏ SAĞLIQ. HƏMİŞƏKİ KİMİ GÖZƏLDİR..

P.S.Aygün xanım oxuyur, Rəna xanım.özü də, portala yerləşdirilən kimi.mən şairə deyiləm, yazdıqlarım ürəyimin sözləridir.mən muğam ifaçısıyam.amma bununla belə heç kim məni şeir yazmaqı, az yazmaqı, çox yazmaqı qadağan edə bilməz.biz bir -birimizi tanımadığımız halda niyə mənə qarşı belə oqressiv fikirlər yürüdürsüz anlamıram.bir az yumşaq da davrana bilərsiz.mən bura gələndə hər fikir eşidəcəyimə hazır idim.siz mənim yerləşdirdiyim şeirlərin heç olmasa 10 dənəsin oxuyun, sonra fikrinizi bildirin.2 şeirlə insanın nə bacarığın nə kim olduğun bilmək olmur........şair olmadığımı dəfələrlə yazmışam.oxusaydız bilərdiz.

hamıya öncəliklə də, Rəna xanıma rəyləri üçün təşəkkürümü bildirirəm.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: Rauf:

8 Fevral 2012 19:53

Yaşayır: Bileceri
Əsərlərin sayı: 132
Resenziyalar: 557
Status: Şair

Əvvəla,hər birinizə təşəkkürümü bildirirəm ki,vaxt ayırıb oxumusunuz.
Rəna xanım, Aygün xanımın da gözəl şeirləri var,belə yazmaq düzgün çıxmaz,lap kimsə pis yazsa belə,onu belə sözlərlə həvəsdən salmaq olmaz,əksinə,onun səhvlərini səmimi tərzdə göstərmkələ,ona yol göstərmək daha yaxşı olar məncə. Ümid edirəm ki,məni düzgün başa düşdüz,bu xırda bir anlaşılmazlıq ola bilər ki,onu da yoluna qoymaq asandı :) Bir daha minnətdaram diqqətinizçün..

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Yazdı: Aygun Rehimli:

8 Fevral 2012 22:09

Yaşayır: KÜLƏKLƏR ŞƏHƏRİ
Əsərlərin sayı: 280
Resenziyalar: 899
Status: Şair

sağ olun, RAUF BƏY.HƏM ƏDALƏTLİ OLDUĞUNUZA GÖRƏ, HƏM DƏ, DƏSTƏYİNİZƏ GÖRƏ MİNNƏTDARAM.ALLAH RAZI OLSUN.........MƏN YAXUD YAZDIQLARIM HAMININ XOŞUNA GƏLƏMƏK ZORUNDA DEYİL.AMMA RƏNA XANIMIN MƏNİ TANIMADAN, YAZDIQLARIMI OXUMADAN MƏNƏ QARŞI SƏRT DAVRANIŞINA SUSA BİLMƏZDİM, ƏN AZINDAN ƏDALƏT XATİRİNƏ.SAĞ OLUN.

--------------------

Qəm divar deyil, uçuram,
Yanmışam, oddan qaçiram.
Nahaqq görsəm dil açıram,
Vallah mən şair deyiləm.................

Yazdı: bayrami:

9 Fevral 2012 00:19

Yaşayır: --
Əsərlərin sayı: 155
Resenziyalar: 1548
Status: Şair

Sənətkar- şair Raufa daha bir mənalı qəzəli ilə könlümü oxşadığı üçün təşəkkür edirəm. Məxsusən bu şeirin orijinal rədifi lap qiyamətdir.

Yazdı: Biri:

9 Fevral 2012 11:59

Yaşayır: --
Əsərlərin sayı: 35
Resenziyalar: 175
Status: Şair

Əziz Rauf bəyə 11-12 dərəcə şaxtanın içərisindən atəşin salamlar. Gənclik stansiyasından absis oxunun mənfi istiqamətində uzaqlaşsaq da, bu cür gözəl qəzəl bizim də qəlbimizin odunu körükləndirdi. Alqışlar sözlərin sehrli düzümü ilə qəlbimizdə bahar yaradanlara !

Yazdı: Rauf:

10 Fevral 2012 00:39

Yaşayır: Bileceri
Əsərlərin sayı: 132
Resenziyalar: 557
Status: Şair

bayrami,
Biri,
Çox sağ olun,Allah razı olsun.

--------------------

Nədir söz-bəndəyə Həqqdən verilmiş ərmağandır söz,
Susub daxildə yatmış hisslər üçün tazə candır söz.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Fevral 2012 »