Arzu ölümdən yaxın

Müəllif: FİDAN | 24 Sentyabr 2011 | Oxunub: 358| Yadda saxlamaq:

(Arzusuna çatmayanda ölümə tələsənlərə)

Üstünə gəlirmi qəhər qoşunu?!
Fikirlər yorumu yorğun başını?!
Biryolluq tullayıb sevgi daşını
Hara gedirsen?!

Payızım tez gəlib, yetişməz qoram,
Kədərdən varlıyam, qismətdən koram,
Sözümün quluyam, sanma nankoram,
Hara gedirsən?!

Hər sözün yozulan yüz mənası var,
Minlərlə arının bir anası var,
Nə olsun onlarla su sonası var?
Hara gedirsən?!

Hərləyib, fırlayıb ötən günləri,
Yan-yana düzürsən xatirələri,
Müqəddəs olmusan nə vaxtdan bəri,
Hara gedirsən?!

Onsuz da sönəcək yanan ocaqlar,
Sazağa dönəcək isti qucaqlar,
Umulan hər şeyi unudacaqlar,
Hara gedirsən?!

Düşmənmi olmusan bu ənginliyə
Sevilən torpağa, sevdirən göyə,
Bu qəfil sevdadan bezmisən niyə?
Hara gedirsən?!

Su minnət götürməz, qismət qadağa
Arzu var bənzəyir keçilməz dağa,
Ömrümü vədəsiz verib sadağa
Hara gedirsən?!

Dənizə üz tutsan, su itirəcək,
Ocağa üz tutsan, od götürəcək.
Gedişin qəlbimdə qəm bitirəcək
Hara gedirsən?!

Bir sirli qalayam, ot basmış yolam,
Hələ ki dilimə dəyməyib yalan,
İnanma tablaşıb mən sənsiz qalam?!
Hara gedirsən…???

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: Bilmirəm
» Növbəti əsər: XƏYAL

Əsəri oxuyanlar (112)

Oxşar misralar:

Yazdı: Axundi:

24 Sentyabr 2011 18:51

Yaşayır: Bakı
Əsərlərin sayı: 105
Resenziyalar: 604
Status: Şair

Çox gözəl və mükəmməl yazılıb, 5+ qiymətə layiqdir.

Yazdı: hasimova:

24 Sentyabr 2011 20:43

Yaşayır: Bakı
Əsərlərin sayı: 132
Resenziyalar: 525
Status: Şair

super əla maraqlı və çox gözəl.mənə ləzzət verdi.qələminiz var olsun əziz fidan xanım

--------------------

yazan eller var olsun

Yazdı: nailyasha72:

25 Sentyabr 2011 15:05

Yaşayır: Baki
Əsərlərin sayı: 91
Resenziyalar: 195
Status: Şair

Dənizə üz tutsan, su itirəcək,
Ocağa üz tutsan, od götürəcək.
Gedişin qəlbimdə qəm bitirəcək
Hara gedirsən?!

size 5

--------------------

Nailə Şahverdi

Yazdı: elvin mehmanli:

26 Sentyabr 2011 11:07

Yaşayır: baki
Əsərlərin sayı: 117
Resenziyalar: 474
Status: Şair

şer gözəldi mənədə ləzzət elədi sizə uğurlar arzu edirəm

Yazdı: abelveliyev:

23 Fevral 2012 09:09

Yaşayır: Baki
Əsərlərin sayı: 47
Resenziyalar: 130
Status: Şair

"Su minnət götürməz, qismət qadağa" dəyərli sozlər çoxdur. uğurlar diləyirəm. yeni əsərlərlə bizi sevindirin

Yazdı: Shemsi:

23 Fevral 2012 09:34

Yaşayır: Bakı
Əsərlərin sayı: 85
Resenziyalar: 535
Status: Şair - moderator

Əhsən!Bu yeni nəfəs kimdir, ilahi? Nə gözəl, nə şirin bir şeir. səhər-səhər oxuyub feyziyab oldum. Fidan xanım peşəkarcasına yazılmış, tam dolğun əsərə görə Allah ürəyinə sağlıq. təbinə qüvvət versin.

--------------------

Məni məndən soruşanlar bilirmi,
Həm uşağam, həm cavanam, həm qoca.
Baş yaşıma, yaş başıma tən deyil,
Həm dərvişəm, həm bəzirgan, həm xoca!

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Sentyabr 2011 »