Qarala

Müəllif: sekineilyasqizi | 5 Sentyabr 2010 | Oxunub: 243| Yadda saxlamaq:

Dağ başında görünməyi yaraşıq,-
Çətin odu,ağlın üstün qar ala.
Bir yaxın ki səni yaddan soruşur,
Onu könül varağından qarala.

Kişi olan sözü deyər mərdana,
Bala verməz özgə ələ mərd ana;
Adil hakim oxşar Şahi-Mərdana,-
Aman verməz haqqın ərşi qarala.

İnsan deyil qəlbi dolu xılt olan,
El içində yaxşı işi qıt olan;
Başa varmaz yorğa gedən,qırt olan-
Tanrı özü onu qoyar qarala.

Çap etmək

Əziz qonaq, lütfən qeydiyyatdan keçin.

(səs sayı: 3)

« Əvvəlki əsər: Bu yollar yanına aparır məni
» Növbəti əsər: Var

Əsəri oxuyanlar (53)

Oxşar misralar:

Yazdı: sekineilyasqizi:

6 Sentyabr 2010 01:57

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun şərhinizə görə,İlham bəy.Amma sualınızı yaxşı anlamadım.Xılt-yəni qəlbi pis
niyyətlə dolu olan,qırtsa yekəxana,dikbaş deməkdi.

Yazdı: bayrami:

6 Sentyabr 2010 02:54

Yaşayır: --
Əsərlərin sayı: 152
Resenziyalar: 1474
Status: Şair

I. Gör düz açmışam:
1) Çətin odur,ağlın üstün qar ala ( qar alsın)
2) Onu könül varağından qarala ( qaralar// qaralayar)
3)Aman verməz haqqın aksi qarala (qaralsın)
4)Tanrı özü onu qoyar qarala ( qərara)

II. 2-ci bənddəki cinaslar çox işlənib.
III. xılt,qıt sözləri ilə həmqafiyə verilən 3-cü söz tabu sözdür... şeir dilinə xələl gətirir.

Yazdı: sekineilyasqizi:

8 Sentyabr 2010 06:13

Yaşayır: bakı
Əsərlərin sayı: 70
Resenziyalar: 1178
Status: Şair

Sağ olun,rəyinizə görə.İradlarınızı qəbul edirəm.Açmanız düzdü.

Yazdı: Necmeddin:

19 Oktyabr 2010 12:53

Yaşayır: --
Əsərlərin sayı: 50
Resenziyalar: 2248
Status: İlin şairi - 2011

Bir yaxın ki səni yaddan soruşur,
Onu könül varağından qarala.

Yaxşı fikirdi alqış olsun

--------------------

Şeir - Allahın şairin qulağına pıçıldadığı sözlərdi.

Yazdı: afgan73:

30 Oktyabr 2010 21:46

Yaşayır: Bakı şəhəri
Əsərlərin sayı: 22
Resenziyalar: 96
Status: Şair

Bala verməz özgə ələ mərd ana;
burada bala yox, oğul daha mənalı və yerində oları fikrimcə. Əladır. Sizə uğurlar.

Yazdı: sekineilyasqizi:

1 Noyabr 2010 17:46

Yaşayır: bakı
Əsərlərin sayı: 70
Resenziyalar: 1178
Status: Şair

Rəyinizə görə minnətdaram,Nəcməddin bəy.Aşıq poeziyasına müraciət edərkən arxaik sözlərdən də istifadə edirəm-duzlu olsun deyə.

Məlumat

"Qonaq" kimi daxil olan ziyarətçilər saytda rəylərin bildirə bilməzlər. Zəhmət olmasa qeydiyyatdan keçin və ya öz Login adınızla sayta daxil olun!

« Sentyabr 2010 »